Check hom

Nêrens Noordkaap is die dramatiese Afrikaanse plaasstorie waarvoor almal gewag het

In Movies en TV deur griffinRek jou bek

Nêrens Noordkaap is ‘n besonderse dramareeks wat amper ‘n familiêre, aanvoelbare nostalgie bied met die ongenaakbare, dorre Noordkaapse vlaktes as agtergrond. Die reeks is uiters mooi geskiet met die landskappe wat beslis hulle deel doen om die verhaal verder in te kleur. Boer en patriarg, Lourens Adendorff (puik vertolk deur Frank Opperman) wil die leisels van die boerdery en plaas, Nêrens, aan een twee van sy drie seuns oorhandig. Daar is egter ook ‘n moerse hartseer back story waarvan ons in die eerste paar episodes nog nie mooi kop of stert kan uitmaak nie – Lourens se Nederlandse vrou, Katja (gespeel deur Tinarie van Wyk-Loots) is al ‘n dekade gelede oorlede. Die oorhandiging van die plaas kom dus nie juis uit ‘n suiwere plek van liefde nie, maar eerder uit dié van selfsug, want daar is hartseer raaisels wat antwoorde kort en dit lyk nie of Lourens alleen op die plaas wil bly nie.

Sover dit Lourens se seuns aanbetref is daar is Andries, die jongste seun (gespeel deur De Klerk Oelofse) – hy is sy pa se oogappel, die meer sensitiewe uit die drie seuns en hy is kunssinnig van aard met ‘n onblusbare passie vir fotografie. Hy droom ook daarvan om die wêreld kruis en dwars te travel en sy pa is heel bewus van sy drome – hy het selfs ingestem om hom finansieël by te staan om sy drome te verwaarheid.

Frans (gespeel deur Geon Nel) is die oudste van die drie en blyk naaste aan die aarde, die boerdery en die plaas te wees. Saam met sy pa is hy meestal in beheer van sake maar dit kom by die troue vorendag dat hy ook maar eintlik planne en drome van sy eie gehad het – hy was van plan om in Kaapstad te gaan studeer saam met sy meisie.

Ronnie (gespeel deur Albert Pretorius) is die middelkind en die swartskaap. Die verhaal skop actually af op die plaas, die dag van Ronnie se troue met ‘n engelse chick, maar dit lyk of dit een van daai “moet” troues is – hulle het ‘n baba laitie en die troue dien sommer ook as geleentheid om die kind te doop. Die familie en vriende is mos reeds daar. Nie almal is ewe happy by of met die troue nie. Om dinge te vererger, is Ronnie boonop ‘n alkoholis en voel ‘n fok vir enige sweempie van verantwoordelikhied. Ten minste is die laitie na sy oupa vernoem.

Dit is dus geen verrassing dat pa Lourens die plaas aan Frans en Andries wil oorlaat nie. Ronnie kry sy share sommer in cash om sy nuwe lewe met sy nuwe vrou en sy nuwe kind te gaan geniet in Kaapstad, maar jy kan mos nou vir jouself indink wat ‘n absolute kak idee dit is om ‘n suiplap uit te koop met ‘n klomp zak. Andries wil fokol weet van die plaas nie, en vra vir Frans om vir hom ook geld te gee sodat hy kan waai. Hy weet nie eers waarheen hy wil gaan nie en hy gee ook nie regtig om nie want hy moet net wegkom en homself somehow gaan vind. Hy voel erg teleurgestel en verraai deur sy pa wat ‘n 180 maak op sy beloftes.

Dit los nou net vir Frans alleen op die plaas oor saam met sy pa en Maggie, die huishulp (Ilse Klink) wat oor die laaste dekade ma gespeel het vir die seuns. Haar eie seun, Jan-Jan (gespeel deur Dean Balie) – wat saam met die seuns grootgeword as hulle beste tjommie, is ook daar op die plaas saam met sy gesin.

Fast forward ‘n dekade vorentoe en dinge lyk nie veel beter nie. Frans is nog daar op die plaas en hanteer al die dinge maar hy en sy pa praat glad nie met mekaar nie. Lourens kom skaars uit die huis het en sy gordyne is meestal toegetrek. Andries stuur gereeld poskaarte terug plaas toe van sy wêreldse wedervaringe vanuit die uithoeke van die aarde. Predictably het Ronnie se lewe amper completely uitgefok – hy is geskei, meestal van die tyd in sy moer in gesuip en bly in ‘n vuil en sif, deurmekaar huis iewers in voorstedelike Kaapstad. Hy sien sy kind net oor naweke en sy eksvrou het aanbeweeg met haar lewe. In fact, wanneer hy (laat) opdaag om te kyk hoe sy laitie wen met by ‘n swemgala, embarrass hy die kak uit almal uit waneer hy kakdronk daar opdag en ‘n moerse scene maak.

Die familie is so te sê aan flarde en die plaas stagneer dag in, dag uit maar somehow vind die drie vervreemde broers hul pad terug na hulle ouerplaas waar al die geheime, hartseer en die waarheid oor hulle ma se dood, loodreg in die pad van hul verlossing en sielsberusting staan.

  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text
  • Alt Text

Daar is deurentyd terrugflitse na die seuns se gelukkiger kinderdae toe hulle verbeeldingryke Nederlandse moeder nog gelewe het. Met haar oorspronklike fairy tales wat sy die seuns vertel het en uit ge-act het, is sy die epitoom van ontvlugting – ñ manier om at least êrens te gaan op verbeeldingsvugte teryl hulle vasgevang voel op die plaas, Ñêrens, want Katja bevind haarself baie vêr van Nederland en sy self nie moerse happy nie.

Nêrens, Noordkaap is eintlik ‘n teaterstuk wat sedert 2017 sold out shows gehad het. Nico Scheepers (Die Maan Val Bewusteloos, Posbus 1), het die teaterstuk geskryf en hy het ook die script vir televisie aangepas, met Saartjie Botha as side kick op script editing duty, om dit in ‘n 13-episode familiedrama te omskep. Nico en Johan Cronje (Wonderlus, Meisies wat Fluit, The Day we Didn’t Meet) is verantwoordelik vir die super befokte directing.

Cinematically is Nêrens, Noordkaap ‘n tragiese prentjiemooi meesterstuk met ‘n sterk cast wat beslis nie in die steek gelaat word deur die majestieuse Noordkaap se landskappe as backdrop nie. Dit voel ook asof die sand en plaas self ‘n belangrike karakter is, want wanneer jy voel asof jy nêrens is nie en omring word deur die absolute fokol om jou, kan dit bevrydend wees, maar die niksheid kan jou ook as gyselaar aanhou.


Daar is ‘n moerse collection reality reekse, Hollywood-reekse en kick-ass movies op Showmax.
Jy kan aansluit by Showmax se 14-dae free trial as jy nog nie het nie. 

Hierdie post is 261 keer in totaal gelees en 4 keer vandag gelees.

Watkykjy staan op 1,615,545 post views in totaal sedert 1 November, 2019.

Share dit faktap
  •  
  •  
  •  
  •  
  •  
  •  
  •  
    480
    Shares
  •  
  • 480
  •  
  •  
  •  
griffinNêrens Noordkaap is die dramatiese Afrikaanse plaasstorie waarvoor almal gewag het
Check hom

Haas Das episode 5 – Oupa Dassie se pyp is weg

In Movies en TV deur griffin

Ons het nou al vir julle al die Pinocchio episodes gegee, ‘n hele spul paar Trompie episodes en nou is dit Haasdas se Nuuskas se beurt vir so klompie weke. Haas Das was ‘n oorspronklike Afrikaanse weeklikse kinderprogram wat in Diereland afgespeel het en is in 1976 deur Louise Smit die lewe ingebring. Dit was die heel eerste kinderprogram wat ooit in Suid-Afrika op TV uitgesaai is. Riaan Cruywagen was verantwoordelik vir Haas Das se stem.

Haas Das episode 5 – Oupa Dassie se pyp is weg
Haas Das is laat en Piet Muis begin die nuus lees. Oupa Dassie se pyp is weg en Tienie Ratel ondersoek die saak.

Hierdie post is 37 keer in totaal gelees en 1 keer vandag gelees.

Watkykjy staan op 1,615,545 post views in totaal sedert 1 November, 2019.

Share dit faktap
  •  
  •  
  •  
  •  
  •  
  •  
griffinHaas Das episode 5 – Oupa Dassie se pyp is weg
Check hom

Eliza Tailor – Woensdag se warm bokkie

In Warm Bokkies deur griffinRek jou bek

As jy nou ‘n Ozzie was, sou jy Eliza Taylor herken het van die soapie, Nieghbours, maar as jy ‘n fan van The 100 op Netflix is, sal jy hy haar van daardie show af ken as Clarke Griffin – een van die befokste sci-fi reekse daarbuite. SA se eie Neil Sandilands is ook in die  eerste reeks  te siene as die skobbejak, Titus. Eliza Tailor se nuwe van is nou actually Morley, want sy het in 2019 met haar co-star van The 100, Bob Morley getrou. Sy naam  klink soos ‘n fokken Pretorianer wat probeer om Bob Marley te sê. Fokken lucky bliksem!

Hierdie post is 144 keer in totaal gelees en 2 keer vandag gelees.

Watkykjy staan op 1,615,545 post views in totaal sedert 1 November, 2019.

Share dit faktap
  •  
  •  
  •  
  •  
  •  
  •  
griffinEliza Tailor – Woensdag se warm bokkie
Check hom

What Happened to Crow 64? – kragtige kortes

In Kragtige Kortes deur griffin

As jy gaming befok is, maar especially in die 90s vibes soos Nintendo gegooi het, gaan jy hierdie fokken erg like! Dis tyd virre klein doccie vir ‘n verandering.  In die laat 90s was daar ‘n game met die naam van Catastrophe Crow wat veronderstel was om vrygestel te word. Gaming joernaliste is speelbare review copies onvang en moerse daaroor ge-rave. Hulle het selfs gereken dat dit Mario 64 se gat sou skop. Toe word die release date uitgestel en uitgestel en toe is daar skielik ‘n baie weird…. niks! Hierdie documentary ondersoek  die hele storie.

Hierdie post is 41 keer in totaal gelees en 1 keer vandag gelees.

Watkykjy staan op 1,615,545 post views in totaal sedert 1 November, 2019.

Share dit faktap
  •  
  •  
  •  
  •  
  •  
  •  
griffinWhat Happened to Crow 64? – kragtige kortes