Dis een van daai lag met ‘n traan vibes. Die immergewilde en skreeusnaakse Afrikaanse komdiereeks, Hotel, se eerste episode van die vyfde en finale seisoen het verlede week op kykNET begin uistaai. As jy dalk eers moet opvang, kan jy die eerste vier seisoene gou op Showmax gaan binge voor jy oorskuif na DStv catch-up om die nuwe seisoen te beginkyk. Die nuwe episodes air op Maandagaande, wat beteken dat jou kak Maandae vir die volgende 2 of drie maande lank aansienlik beter gaan wees, al is dit net vir ‘n halfuur lank.

Ons het so paar jaar gelede die cast van Hotel op stel gaan besoek tydens die laaste dag van seisoen drie se verfilming. Ons het daardie video sommer ook aan die einde van hierdie artikel geplak as jy dit misgeloop het. Die idee was om dieselfe te doen met die finale seisoen se shoot wat verlede jaar plaasgevind het, maar covid het alles so rondgefok dat dit nie moontlik was nie.  Ons het wel ge-manage om verlede week met Bennie Fourie en Mila Guy te gesels. Mila vertolk die rol van Danny (Schalck Bezuidenhout) se girlfriend, Melanie, en Bennie vertolk die rol van dodgy Mike, maar hy is ook skrywer en mede-skepper van die reeks.

Gaan gryp ‘n pak chips en ‘n bier of ‘n ding en kom luister na hulle lekker geselsies. Dit maak vir so net onder die 15 minute se lekker luistervermaak!

 Watkykjy se kuier op die Hotel stel tydens seisoen 3:

Daar is ‘n moerse collection reality reekse, Hollywood-reekse en kick-ass movies op Showmax.
Jy kan ook aansluit by Showmax se 14-dae free trial as jy nog nie het nie.