Waddefok? ‘n Volle jaar al reeds in sy moer in? Dit was dan gister nog kersfees gewees! Wat word van ons tyd en ons geld? O ja, meeste van dit word gefokkensteel. Kom ons kyk dan maar eerder hoe dinge oor die jaar verloop het in ons land. Hier is Deel 1 van PK Malherbe se top 10 vanuit Vat 5! wat oor die afgelope jaar op Watkykjy ge-feature het.
10) WEEK 8:
Na hierdie week se begrotingsrede, wil dit voorkom of ou Brilletjies, AKA Malusi Gigaba, ons Minister van Finansies, nou minder gewild kan wees as ‘n woordsom. Volgens sy sommetjies, kan die Suid-Afrikaanse regering ‘n ekstra R22,9 biljoen in belastinginkomste genereer deur BTW met een persentasiepunt te verhoog. Dis die eerste keer in 25 jaar wat BTW verhoog sal word vanaf 14% na 15%. Dit beteken ons gaan kak en betaal, maar ons gaan net one-ply kan bekostig. Intussen vee hy hom af aan die noodkrete van ‘n nasie wat fin-voos is. Natuurlik doen hy ook sy bes om van ons almal geheelonthouers te maak deur belasting op drank ook te verhoog. En is ons dankbaar vir sy omgee? Nee. Dis nou stank vir drank.

9) WEEK 15:
Daar hardloop Faster Semenya haarself toe in die rekordboeke in deur Zola Budd se 1984-rekord in die 1 500m by die Statebondspele te verbeter. Man/vrou, dit was nou lekker. Die ander drawwers was almal mans/vrouens genoeg om haar geluk te wens met haar manjifieke/vroujifieke vertoning. Gevra oor hoe sy voel, het sy geantwoord dat dit vir haar ‘n groot eer is om die mantel/vroutel as kampioen te dra vir alle Suid-Afrikaners.

8) WEEK 40:
Die Universiteit van Pretoria het aangekondig dat daar besluit is om verskeie van sy koshuise se name te verander om ‘n meer multikulturele, inklusiewe leefomgewing vir student te skep. Daar is blykbaar wyd met HK’s gekonsulteer voor die besluit geneem is en gesprekke is ook met alumni gevoer. Dis alles fine en well wanneer mens na van die naamsveranderinge kyk – so word Kiaat bv. Tirisano en Jasmyn word bv. House Khutso. Maar daar word duidelik ‘n skrikbewind teen die letter “k” gevoer wanneer mens sien dat Erika verander na Erica en Kollege word College. Goeie foc. Geen geldvercwisting hier nie. En iewers het iemand ‘n ekstra “e” gehad – Curlitzia word Curelitzia. Taaibos word The Tower – “Watter koshuis is jy Raoul?” “Tannie, ek is in… verdoemende musiek begin speel… The Tower.” En nee, Katjiepiering word nie Catjiepiering nie. Dit word sommer Azalea, want foccen sinneloosheid blom by Tucs.

7) WEEK 12:
Honderde mense het kersies gebrand hierdie week toe hulle hoor die moeder van Suid-Afrika is dood. Net om ‘n dag later uit te vind Juanita du Plessis is springlewendig. Winnie Madikizela-Mandela, gewese vrou van Nelson Mandela, is hierdie week in die ouderdom van 81 jaar dood. Daar is ook aangekondig dat sy ‘n staatsbegrafnis sal ontvang met elemente van militêre seremoniële eerbetonings. In ‘n totaal onverwagse reaksie, het heelwat blankes wat sukkel met die uitspraak van ‘n sagte “R” in Engels, op nuuswebwerwe laat blyk hulle hoop sy brand in die hel. Considering Winnie se liefde vir die necklace-metode, kan ons veilig aanneem sy sou haar eie vuurhoutjies saamvat.

6)WEEK 33:
Die laaste boek wat soveel opslae gemaak het was die Kinderbybel. Maar nadat The Lost Boys of Bird Island so bietjie meer as ‘n week terug kak begin maak het met beweringe dat onder andere oud-minister Magnus Malan hom met kinderspeletjies besig gehou het, sneeubal dit net meer en meer. Veral nadat een van die skrywers, Mark Minnie, hierdie week dood aangetref is met ‘n selfmoordbriefie by hom en ‘n gun wat nie aan hom behoort het nie. Waar’s Fox en Mulder as mens hulle nodig het? Die Conspiracy Theories loop so dik soos stroop. Is hy vermoor? Wat sou hy nog reveal het? En wat sien Derick Hougaard en Nadine in mekaar?

Place your ad here