Laasweek se zefspotters

Ek het hierdie 1400 renmotor met sy Navara badge by Hatfield Square gesien. 'Skuus vir die lae kwaliteit foto's.
Plank

So bietjie Zefspotting in NYC
Corne

Dagsê Griffin
Ek het hierdie outjies by die Gautreinstasie in Centurion gekiek. Die sekuriteitswagte het my heeltyd gekokkenodge, so ek moes maar skelm neem.
Die eerste motor is 'n Ford Escort wat afgerond is met smaaklike sportstrepe aan die kant, hoë-profiel motorbande en wieldoppe, asook soekligte om die prooi in die nag te soek wat hy sekerlik gereeld jag. Die uitlaatpyp is vergroot om akoestiese doeleindes.
Die tweede voertuig is 'n Kewertjie wat omskep is in 'n blitsige vuurwa wat laag op die grond lê om drukkrag en aerodinamika te verbeter. Die voertuig is beklad met chroomstroke en vergrote hoofligte om ergonomika te bevorder. Die wieldoppe en lae-profiel motorbande is moontlik om doeleindes betreffende renjae daar geplaas. Dit beklemtoon ook die besonderse waardigheid van die eienaar van hierdie unieke juweel.
Ek het dieselfde dag ook 'n Chevrolet Lumina gewaar met 'n groot, grys skedel in plaas van die gewone Chevrolet-embleem, oortrek in 'n blink blou kleur, wit graffiti-plakkers op die enjinkap en aan die sye, reuse uitlaatpype, 'n vin, natuurlik om resiesdoeleindes, en spierwit, oorgroot wieldoppe, maar die feit dat ek 'n kiekie wou neem van 'n motor wat nie in my persoonlike besitting was nie, het die sekuriteitsbeampte nie aangestaan nie. Wat 'n jammerte.
Groetnis
Plank

Hey man hier nog n paar van die week. De aar is n plek van wonders.
Groete
LJ

Publieke toilet in Pret-oria. Wat hierdie ou ookal geëet het – was dit rerig nodig om dit op die vloer uit te kak?!
Plank

Dié foto was in Die Burger van Saterdag.
"Ongelukkige" skaduwee daar in die middel wat Photoshop gemis het.
Willie Woes

Gooi hom pappa!
Plank

Hi tjom,
Nog n zef Corsa. Die goed broei !!
Jan.

Foeitog, hierdie ou ken duidelik nie die klankverskil tussen "a" en "u" nie. Dis net in Snorstad waar iemand van "mashrooms" sal praat… seker sampioene wat baie fyn gemaal is…
Plank