Ons het op hierdie blast from the past afgekom in Watkykjy se archives…

deur Ali Baba

Ek het gisteraand my ergste vorige idiotisme by verre oortref.

Ek en my goose wil so nuwe Hollandse fliek, Twin Sister gaan kyk by Rosebank se arty farty teaters. Dis die eerste keer in ‘n lang tyd wat ons alleen uitkom en nogal ‘n goeie fliek kan gaan kyk.

By die teater koop ek ‘n koffie by die koffiewinkel Tribeca wat op dieselfde oop vloerplan as die teater is. ‘n Mens neem aan dis deel van die opset.

Toe ek by die hekkie kom waar mens ingaan na die flieks toe tune die mannetjie met die onderbaadjie my ek word nie toegelaat om die koffie in te vat nie want dis nie by Ster-Kinefokkenkor gekoop nie.
Ek sê toe vir hom: “Maar ek doen dit nog altyd.”
“Nee”, sê hy, “dit word nie toegelaat nie”.
Ek sê toe vir hom: “Jy laat my nie toe om te drink wat ek wil nie?”
“Nee”, sê hy, ” dit kom van hoofkantoor af”. Ster Kinekor verkoop nie eers koffie nie, dink ek na die tyd.
“So, julle wil hê ek moet julle R15 Cokes koop en dit drink maar ek mag nie my eie goed eet of drink nie?”
“Ja”, sê hy.
“Dis fokken outrageous!”

Ander fliekgangers begin al gesteurd na my kyk. “Ek soek my fokken geld terug”. Ek raak nou erg irriterend. Die mannetjie met die onderbaadjie roep ‘n groter weergawe met ‘n groter onderbaadjie nader. Sy mond begin so halfpad oopmaak maar ek is nou een van daai hardekwas poese wat jy so haat in restaurante.

“EK soek my fokken geld terug”.
“OK sir”.

Hy’s in ‘n oogwink by met die moerse afslag R22 wat ons danksy Discovery vir twee flieks betaal.

Ek dink by myself: “Wat de fok doen jy nou? Moerse, jy’t jou 22 rand terug en jy het die aand vir jou goose opgefok.” Sy is reeds in die agtergrond besig om die mannetjie te troos en te probeer om die situasie te beredder. Ek weet voor my siel ek gaan nie my trots in my sak druk en vir die ou sê hy kan maar my kaartjies terugbring en “hier is vir jou ‘n koffie ook” nie. Maar ek weet ook hierdie is ‘n moerse antiklimaks en ek kan netsowel bietjie meer mileage uit die situasie kry. En in ‘n verblindende rasionele inspirasie-oomblik smyt ek die hele R12 halfliter Tribeca koffie op hulle weelderige foyer mat uit. En moer die koppie agterna.

Toe ek inderhaas met die elevator opskarrel gooi ek nog vir die bewende plekaanwyser ‘n zap ook. Wat ‘n fokken idiotiese wit man is ek nie? Anyway, my goose was vir so 20 minute hoogs die bliksem in maar later het sy gelag. En toe sy oor dit is toe voel ek nog soos ‘n groter etter.

Ek het ‘n fokken vakansie nodig. Hel.