Nie so lank terug nie, sou enige recording artist deur iets moes gaan wat genoem was “the difficult third album”. Dis nou wanneer ‘n band of solo artist al twee albums uitgebring het en ewe skielik iets moet bewys deur facial hair te groei en world-music rhythms by hulle musiek te sit.

Maar in vandag se heeltyd-op-uppers samelewing het daai gap tussen “bursting onto the scene” en “die eventual soektog na artistic credibilty” egter baie korter geword.

Ons trek by ‘difficult second album’ deesdae, bra… gelukkig vir ons en hom is daar amper fokol ‘difficult’ met Eksie Ou, Jack Parow se tweede album nie en ek dink anyways hy sou eenvoudig se “artistic credibility sê poes” en geregtiglik so.

Die rap game gaan mos oor bitches en bling, vinnige karre en groot tiete, hoe groot jou piel is, hoe klein die ander ou s’n is. In daardie gevalle, het Jack Parow die Suid-Afrikaanse rap game kak hard gewen.

Sy eerste album het platinum gegaan, hy’t genoeg geld gemaak om uit die ghetto (Bellville) te trek en hy gaan nou blykbaar ‘n Sports Illustrated model se babby-daddy wees. Lekker vir haar. Miskien moes sy ‘n foto van ‘n konnie in haar space-case gehou het? Haai nee shame, ek weet nie hoe dit is om ‘n celebrity te wees nie, maar dis seker nie lekker as jy ‘n press release moet stuur vir Huisgenoot om hulle te laat weet jy’t ‘n chick op die paal gesit nie, maak nie saak hoe mooi haar tiete is nie.

Maar fok daai Heat Magazine Vibes. Al wat hierdie eintlik oor gaan is of die nuwe Parow album jou tyd en zak werd is?

Meestal, sal ek sê…

Eeerstens kan ek getuig dat HARD PARTYJTIE HOU (feat Francois van Coke) en BONS (feat HEAZER) gaan twee van die grootste party tunes van 2012 wees. Almal weet Haezer is God, en Fancois Van Coke wat sy poes af skree oor partytjie hou is ook altyd ‘n wenner.

Daar word ook ge-cater vir die mense wat kuier om ‘n braaivleis vuur eerder as om ‘n drug dealer – LAAT ONS SUIP is ‘n tipiese track waar jou vet oom kaalbolyf dans met sy elmboë in die lug, brannas in die linkerhand, Gunston in die regter en gold chain om die nek.

BISCUITS & BILTONG (feat David Kramer) is nostalgiese love letter aan die weskus, en dis verbasend hoe goed die leopard print cap en die rooi vellies met mekaar meng. Mens kan ook verwag om HOSH TOKOLOSHE (feat Gazelle) te hoor tot vervelens toe. Die tune sit in jou kop vas soos ‘n komkol op ‘n presidential secretary se rok, so wees gewaarsku…

AFRIKAANS IS DOOD, wat heel eerste hier op Watkykjy beskikbaar was, klink soos ‘n boere Cypress Hill, en MOVE LIKE A MONSTER (feat Sibot) soos ‘n Suid Afrikaanse Wu Tang Clan.

Op die laaste track van die album, wat super toevallig LAST LAUGH genoem is, kan jy nie help om te cheer vir ou Jack Parow in die verse nie. Hy was ook maar net ‘n fokop, en kyk waar’s hy nou. Dit gee jou sommer hoop vir die res van ons wat nog steeds fokops is. Behalwe, wat die fok beteken die “move like a girrafe!” in die chorus? Is ek net poes dom, of was Jack Parow net poes hard-up vir ‘n woord wat rym met ‘laugh’?

In elk geval, die enigste truly kak snit in my opinie is SPRING MOEDERFOKKER feat PH FAT.

Die chorus gaan min of meer so:

“Spring Moederfokker/Girl I love u so bad/
Spring Moederfokker/ never meant to hurt your feelings/
Spring MoederfokkerGirl I love you so much/ you have the most beautiful eyes/face/taste?”

Nee jirre. Daar is soveel topgehalte woord-smousery op die album dat ek extra hard moet bitch oor hierdie tos liedjie. Dis banale skoolseun ge-giggel, en dis die een track wat ek constantly skip.

WELKOM TERUG feat Pierre Greef maak op vir dit though, en dis op hierdie track waar Jack vir een oomblik ophou rapper speel en stil-stil bewys hy’t die hart van ‘n digter maar nog steeds ook ‘n piel soos ‘n koevoet.

KATERIEN is ‘n vreemde song, want ek sweer voor een jirre dat ek die “Katerien” ken waaroor die liedjie geskryf is en ek guarantee as jy die song hoor sal jy ook dink jy ken haar. Sy’s net so befok soos hy uitmaak in die liedjie en almal ken mos ‘n “Katerien” van hulle eie…

Lyk my almal ken vir Jack Parow nou ook. Gevestigde kunstenaar, kind op die pad, celebrity, platinum seller wie se songs jy van iTunes af kan kry, wie se braaisous jy by Checkers kry en wie se album jy behoort te koop waarookal jy dit kry.

Ons kyk weer wanneer die inevitable “poes difficult third album” uitkom, maar vir nou is Jack Parow DIE OU, ou…

Luister gerus na so paar clips van elke song op die album:

Jack Parow – Afrikaans is dood:
Jack Parow – Afrikaans is Dood

Jack Parow – Biscuits en Biltong:
Jack Parow – Biscuits en Biltong

Jack Parow – Bons:
Jack Parow – Bons

Jack Parow – Eksie Ou:
Jack Parow – Eksie ou

Jack Parow – Hard Partytjie Hou:
Jack Parow – Hard Partytjie hou

Jack Parow – Hosh Tokelosh:
Jack Parow – hosh tokelosh

Jack Parow – Katerien:
Jack Parow – Katerien

Jack Parow – Laat Ons Suip:
Jack Parow – Laat Ons Suip

Jack Parow – Last Laugh:
Jack Parow – Last Laugh

Jack Parow – Move Like a Monster:
Jack Parow – Move Like a Monster

Jack Parow – Spring Moederfokker:
Jack Parow – Spring Moeferfokker

Jack Parow – Welkom Terug:
Jack Parow – Welkom terug

As ‘n laaste bederfie, hier is Jack Parow se swimwear model goose, Jenna Pietersen: