Vrees Fokol is 'n vervolgverhaal van 10 hoofstukke. Die eerste 4 hoofstukke is verniet beskikbaar. Hoofstuk 5 tot 10 sal vir R7 elk verkoop word om die skrywer te vergoed vir sy skryfwerk sodat die arme drommel ook 'n kaas-en-tamatiesous broodjie kan vreet.
Jy kan dus inclub met ses ander tjommies vir R1 elk as dit vir jou te duur is en dan vir mekaar die copies e-mail.
Alle persone in die roman se name is verander om hul identiteite te beskerm. Dit het egter ietwat kak geklink, toe word dit maar terugverander.
Julle kan die vorige hoofstukke hier dowload in PDF format:
Hoofstuk 8 – Die mooie tuin
Die Honda Ballade draai versigtig links af in Nelson Mandelaweg, wat eens as Voortrekkerweg bekend gestaan het. Die viertal in die motor kan almal,
hoewel hulle dit nie aan mekaar kommunikeer nie, voel hoe hul harte vinniger klop.
Tyler, omdat hy belowe is hier sal baie geld wees.
Oscar, omdat hy, hoewel hy ophou luister het, gehoor het hier sal iets wees.
Danny, omdat hy wéét hier sal geld wees, vanweë die waarskynlike hoë konsentrasie gefrustreerde tannies.
Jackie, omdat hy weet hier is niks. Buiten, natuurlik, sy onafgehandelde sake…
Jackie slaan die flikkerlig na regs wanneer die eerste geboue in die nabyheid en die woonstelblokke in die verte begin sigbaar word.
“Is ons dan al in Bloemfontein?” vra Tyler teleurgesteld. “Dis fokken klein.”
“Hierdie is ‘n suburb, dom poes,” sê Jackie, “dis Langenhovenpark. Fokken nuwerige larney plek, blykbaar.”
“Nou hoekom de fok draai ons hier af?” vra Tyler.
“Ons gaan na die tuin toe,” sê Jackie. “Die plek het ‘n naam. Poes Mooi Tuin, of so iets.”
Mettertyd duik die bordjie wat die Pretty Gardens-botaniese sentrum en restaurant aandui op regterhand op.
“Daar, ek sê mos,” sê Jackie triomfantelik, “Poes Cool Gardens.”
Die Honda Ballade word geparkeer en die viertal spring uit. Danny skiet soos ‘n magneet na ‘n yskas vorentoe, in die rigting van die ingang.
“Wat’s sy kak?” vra Tyler.
“Ek dink sy tannie-naai sense is tingling,” glimlag Jackie. Goed vir almal. Geld. Hy is in elk geval dankbaar vir die afleiding – dit gee hom tyd om te soek waarna hy moet soek. Hy het lank gelede, toe hy en Santie die Sangoma nog op goeie voet was (dit wil sê, op goeie geslagsdele was), gehoor hier is verborge skatte in Pretty Gardens. Watter soort skatte was hy nooit seker nie, maar Santie was altyd geheimsinnig. Sy is immers ‘n sangoma. En ‘n bitch, dink Jackie.
LEES DIE RES VAN HOOFSTUK 8 HIER
Watkykjy staan op 3,056,565 post views in totaal sedert 1 November, 2019.
