Hou jou hoed vas, want jy moet nou mooi kophou. Ons gee klomp kak weg hierdie maand, lyk dit my.

Jy weet reeds van die Zef rapsong kompetisie waarin jy R2500 se Zefshop stuff kan wen soos shirts, caps, posters, boeke, stickers ensovoorts. Dit sluit einde Julie en sover is dit ‘n one-horse race. Ons kan al amper byvoorbaat geluk sė aan die enigste bra wat ingeskryf het.

Ons het nog ‘n vinnige kompetisie vir Watkykertjies in Gauteng wat sal smaak om SAMA wenners, Prime Circle te gaan check. Dis ‘n lekker Sondag piekniek en drink vibe.

Daar is twee gigs:

Pretoria Botanical Gardens – 17 Julie 2011 (dis hierdie Sondag)
Walter Sisulu Botanical Gardens in Johannesburg – 24 of Julie (dis volgende Sondag)

Ons gee ‘n double ticket weg vir elkeen van die gigs, met ander woorde jy wen ‘n kaartjie vir jou en ‘n tjommie of ‘n flossie om jou te join. Either in Pretoria of in Joburg.

Hier is al wat jy hoef te doen:

1) Spel die woorde “Prime Circle” in ‘n kreatiewe manier uit, neem ‘n foto daarvan en mail dit aan griffin – at – watkykjy dot co dot za. Jy kan dit met Jelly Tots, of hondekak uitpak, of whatever jy meeste van in jou huis het. Dui ook aan vir watter show jy kaartjies wil wen – Joburg of Pretoors.
2) Jy mag meer as eenkeer inskryf.
3) Kompetisie vir die Pretoria kaartjies sluit Vrydag, 15 Julie, 12:00.
4) Kompetisie vir die Joburg Kaartjies sluit Vrydag, 22 Julie, 12:00.
5) Mense van Witbank mag ook deelneem aan die kompetisie.

Om op te som: Die totale waarde van die prys is R400. (R100 per kaartjie) en ons gee twee dubbelkaartjies weg. Een dubbelkaartjie vir Joburg en een dubbelkaartjie vir Pretoria.

Hou hierdie space dop as jy moerse graag Oppikoppikaartjies ook wil score, want ons looi dit ook binnekort.