Hierso is vir julle ‘n moerse tip sover dit kar insurance betref. Baie van julle weet hiervan, maar ek neem aan dat daar ‘n klomp van julle Watkykertjies is wat salig onbewus is hiervan. Ek het dit ook net toevallig eers gister onthou en oorgegaan na askie..

Is julle reg?

JOU KAR SE WAARDE NEEM OOR TYD AF, OK? Huh? Waddefok? Ja, ek was ook fokken deur die kak, moenie worry nie.

Wat beteken dit? Dit beteken dat jy minder vir jou kar se versekering behoort te betaal namate hy ouer word. Ek het my insurance bra gemail en getune hy moet my kar her-evalueer, aangesien ek hom op ‘n stadium wou inruil om ‘n nuwe ryding te koop. VW het my natuurlik ‘n vet mielie in die hol gerol en vir my ‘n trade-in offer op die tafel gesit wat herhinder aan ‘n stomende Doberman draairoomys drol op ‘n geel winter grasperk.

Ek het daai kak trade-in bedrag net so vir die insurance man gemail en getune “Sien plan, ek wil minder insurance betaal”. Hy het ‘n paar sommetjies gedoen en my terug gemail met ‘n nuwe retail value en allerhande ander kak en gesê: “Ons kan hom afbring met so R50 per maand, of jy kan dit los soos dit is.” Natuurlik het ek dit laat verminder. R50 per maand is miskien nie baie nie, maar jy kan dit eerder gebruik vir insurance op ‘n specified item. Like ‘n laptop of twee.

Sien? Jy kan nou jou beertjie-vang masjien wat daar om die draai van East Rand Mall staan laat verskeker.

PS: Ons het my goose se versekering ook afgebring met about R50 per maand. Dis twee beertjie-vang masjiene se specified item versekering, of ‘n extra bottel Klippies per maand.

Nou dat ek daarnaan dink…

Ek wens ek het ‘n beertjie-vang masjien…