Egoli skop die Garden World blompot.. (Uiteindelik)

Christo Brandbruggies — Wed, 03 Mar 2010 05:36:35 +0000

As jy gister na graft verby die dopshop gery het, het jy seker 'n celebratory knertsie gaan aanskaf – 'n bier, 'n Ricky Le Roux, vonkelwyn of selfs 'n fokken panty dropper as jy moes. Solank jy net gisteraand half sewe 'n glasie geklink het, want Egoli se laaste episode was op Mnet uitgepomp. Fok ja!

Na 18 jaar op die lug is daar nou besluit om die prop te trek op Egoli, en ek skiem dis hoogtyd ook. Brumilda van Rensburg hoef nie meer te stress oor haar plooie wat sy moet toesmeer nie. Fok sy moet deesdae daai gesiggie smeer soos die mamma in die Skippie advertensie – moerse dik layer my bra. En Hennie Smit (Bertie) hoef nie meer te faff oor Chester en puzzles bou en wat Pietie te sê het nie. Dink net hoe gatvol die ou moet wees om vir 18 jaar daai rol te speel. Nou kan hy terugkeer na sy beroep as wedding singer en dalk bietjie gewig verloor. Chester is blykbaar dood, maar ek dink daai great dane is in sy pens. En moenie vergeet van antie Nora met haar afdraande gesig nie. So moerse morbied met haar vrot vaddoek op die skouer. Dis blykbaar lekker zef daar in Brixton. Rex is een of ander Europese royality wat in sy 40's nog in die Mansions bly en bodyguard speel. Maak fokkol sense vir my nie. Ek kan seker 'n hele boek skryf oor Egoli, (o nee wag dis al gedoen) maar ek dink daar is al reeds genoeg van ons tyd gemors. Kortliks: Jane is die tronk, Chris Edwards is dood, almal het lang verkoue van die oor en weer genaaiery oor die jare – happy endings.

Ek weet nie lekker hoekom hulle die show stop nie. Ek skiem hulle het vet zak gemaak met Egoli Skouspel, en soos met alle tv shows melk hulle die koei moer toe, maak nie saak of die show oordadig, afgesaag en belaglik raak nie. Survivor fokken hoeveel is ons al nou by?? Het Frans Marx self gatvol geraak? Of dalk het dinge begin suurkak swaai toe dit in 'n sepie verander het wat basies net ad space verkoop aan Dros, Proline Computers, een of ander gym in die Cresta Mall en fok weet wat nog. Anyway ek dink nie ons moet te veel vrae vra nie, net go with the flow. Probeer om amper twee dekades van marteling te verwerk. Nou kan ons almal ontspan, mamma gaan nie meer die kos verbrand nie.

Maar moenie te vrolik raak nie, daar is 'n Egoli movie in die pyplyn …

Deel met jou vriende:

Egoli: Roadshow bereik nuwe laagtes

Chopper Charlie — Sat, 15 Jun 2002 10:18:55 +0000

Sommige van ons het die misfortune gehad om een Maandagmiddag net voor gewone Egoli-tyd die TV aan te hê. Lekker bose dag by die werk gehad, maak die broek los, sit die voete op en daar het jy dit.

Skaamteloos oopgevlek op ons screens: Die Egoli Roadshow wat onlangs in Sasolburg gehou is. Jirre ouens, nie so nie.

Die eerste waarskuwingsklokke kom toe ek agterkom die tragedie het in Sasolburg afgespeel. (Bietjie agtergrond: Die sogenaamde Vuildriehoek bestaan uit Vereeniging, Vanderbijlpark en Sasolburg waarvan Sasolburg by verre die kakste is.)

Nogal 'n statement, ek weet, maar die blote waarheid. Ten minste is die ander twee plekke nog aan die regte kant van die Vaalrivier (en die ou ZAR treinspoor).

Nou kyk, ek is mal oor Egoli. Dis uithaler televisie en buitendien kyk almal dit of hulle dit nou erken of nie. Maar 'n roadshow in Sasolburg … soos Thomas van ouds het ek begin twyfel.

En dit was nie ongegrond nie. So desperate gegryp na substance het ek seker laas op e-tv se sitkoms soos "Big Okes" en "S.O.S." gesien. En die drek op TV was die highlights. Bid jou aan.

Die arme akteurs het probeer sing en dans, van Neil Diamond songs tot Broadway. Zef musiek deur zef mense vir zef mense. Now there's a novel idea.

Om die lightweight entertainment aan te vul, is "bekende" name as gaste ingesluit. Dis nou china's soos André Schwartz en Yvonne Chaka-chaka. En autographs is by die duisende gesign. Nie net vir die kinders nie.

Nie net vir die kinders nie. Need I say more?

Maar hey … hey … die zefters in die audience het hulle se gate uit geniet. Lekker handegeklap (daai oumens handeklap so heen en weer), snorre gewikkel, saamgesing, bewonderend toegekyk en sommer net 'n lekker gesinsaand gehad.

Kyk Egoli het Sasol geskud. En die mense is daar weg met sterretjies in hulle oë.

Sterretjies van goud.

Deel met jou vriende:

Watkykjy » egoli

Egoli skop die Garden World blompot.. (Uiteindelik)

Egoli: Roadshow bereik nuwe laagtes