Die wêreld is nog steeds net so mal soos altyd en nog wat. Osama Tin Sardin vergiftig die volk met stink vis in high profile supermarkte, George Poes kruip gat by die gatkant van die wêreld met die gevolg lat Snor City se manholes toegesweis word en die winter hap-hap nog steeds aan almal se knatertjies en selfbeelde. Los nou maar eers die warmwatersakke, trek jou stokies aan, gooi 'n warm dop in en trek jou sfinker nader aan jou pewter. Ons het lekkernye vir julle hierdie maand. Ons try Valiant Swart vasvra to no avail, die zef slang klink leliker as ooit en daar's vars toebas met marmelade in die broodblik vir as jy eerste pouse bietjie huilerig raak.
Ons maak ook groot geraas innie Vrystaat by Die Mystic Boer 25 Julie. Yep, dis weer holswaai tyd en drinkerskaskenades met Zeftige Tunes wat DJ Hooker en DJ Briekmerk soos frisbees gaan spin, so knyp maar 'n tydjie en 'n sagte poep af om die details elders in hierdie glans uitgawe te speck.
Onthou, meer as twee keer afskud is speel.
Die voortvlugtige Snor City verraaiers van Watkijkistan.