Category Archives: zefshop

Blink Stefanus steel ‘n lyf

Ons vriend en inzeftigating reporter, Ben het verder gaan ondersoek instel om uit te figure waddefok Blink Stefanus mee besig is. Vandat hy op die aarde geland het maak hy net kak orals. Dit lyk of hy nou begin om mense se lywe te steel nadat iemand anders sy lyf gesteel het van 'n statue af by die ongelukstoneel. Dinge raak rof…

Koop die shirt hier

Deel met jou vriende:
  • Print
  • Digg
  • del.icio.us
  • Facebook
  • Google Bookmarks
  • laaik.it
  • StumbleUpon
  • Twitter
  • email
Gefile in zefshop | Tagged | 2 Comments

Vrees Fokol – Hoofstuk 7: Morné Steyn tot die redding

Vrees Fokol is 'n vervolgverhaal van 10 hoofstukke. Die eerste 4 hoofstukke is verniet beskikbaar. Hoofstuk 5 tot 10 sal vir R7 elk verkoop word om die skrywer te vergoed vir sy skryfwerk sodat die arme drommel ook 'n kaas-en-tamatiesous broodjie kan vreet.

Jy kan dus inclub met ses ander tjommies vir R1 elk as dit vir jou te duur is en dan vir mekaar die copies e-mail.

Alle persone in die roman se name is verander om hul identiteite te beskerm. Dit het egter ietwat kak geklink, toe word dit maar terugverander.

Julle kan die vorige hoofstukke hier dowload in PDF format:

Hoofstuk 1

Hoofstuk 2

Hoofstuk 3

Hoofstuk 4

Hoofstuk 5

Hoofstuk 6


Hoofstuk 7 – Morné Steyn tot die redding

“Fokken Rave Burger-sous,” sê Tyler en vee oor sy kennebak. “Ek kon dit nog nooit verstaan nie.”vrees fokol7

Hy kyk senuagtig na Danny en Oscar, wat blykbaar geheel en al oorweldig is deur die ervaring van ‘n restaurant met kelners wat hulle as “meneer” aanspreek en nie op hul voorname of bloot as “poes” nie. Hulle druk die steers-servetjies netjies voor by die krae van hul vuil T-hemde – onderskeidelik Limp Bizkit en New York Yankees – in.

“Kom ons praat soos larneys!” sê Danny.

“Fokken ja!” sê Oscar in sy diep stem en maak sy keel skoon. “Hoe gaan dit met jou?”

“Nee, dit gaan goed dankie, en met jou?” antwoord Danny.

“Goed dankie,” sê Oscar, waarna hy kliphard uitbars van die lag.

Rave Burger-sous kom uit Tyler se neus soos hy ook lag vir dié absurde skets. Dit weerhou hom egter nie daarvan om aan te hou hap en kou tussen die geskater deur nie. “Die fokken burgers is once, Danny, shot. Of shot vir jou tannies, whatever.”

“Nee, dis fokken reg, Tyler,” sê Danny, “maar check, is julle nie bekommerd oor Jackie nie?”
“Wie?” vra Oscar.

“Jackie, man,” sê Danny, “Jackie fokken Sieberhagen.”

Oscar tuur verward die verte in. Hy kyk nie terug nie.

Jackie Sieberhagen maak sy oë stadig oop. Hy voel hoe die veld se harde klippe teen sy rug steek. Hy kyk op en sy mond val oop. Oor hom, met haar voete sekuur weerskante van sy nek teen die grond geplaas, staan die mooiste meisie wat hy nog ooit gesien het. Haar dun, slanke bene vloei soomloos tot in haar heupe. Haar borste lê soos vol kalbasse oor haar boonste ribbe, haar arms is na bo gelug, haar hande dans saam met die ritme van haar heupe. Sy is geheel en al naak.

Die enigste logiese afleiding wat Jackie kan maak, is dat hierdie pragtige meisie in die veld moes gestap en sy fantastiese biseps opgemerk het voordat sy hom kom verlei het.

LEES DIE RES VAN HOOFSTUK 7 HIER

Deel met jou vriende:
  • Print
  • Digg
  • del.icio.us
  • Facebook
  • Google Bookmarks
  • laaik.it
  • StumbleUpon
  • Twitter
  • email
Ook gefile in Snotstories | Tagged | 5 Comments

Vrees Fokol – Hoofstuk 6: Drie Susters

Vrees Fokol is 'n vervolgverhaal van 10 hoofstukke. Die eerste 4 hoofstukke is verniet beskikbaar. Hoofstuk 5 tot 10 sal vir R7 elk verkoop word om die skrywer te vergoed vir sy skryfwerk sodat die arme drommel ook 'n kaas-en-tamatiesous broodjie kan vreet.

Jy kan dus inclub met ses ander tjommies vir R1 elk as dit vir jou te duur is en dan vir mekaar die copies e-mail.

Alle persone in die roman se name is verander om hul identiteite te beskerm. Dit het egter ietwat kak geklink, toe word dit maar terugverander.

Julle kan die vorige hoofstukke hier dowload in PDF format:

Hoofstuk 1

Hoofstuk 2

Hoofstuk 3

Hoofstuk 4

Hoofstuk 5


Hoofstuk 6 – Drie Susters

Wanneer Tyler wakkerskrik in die kar, klap hy sy tong teen sy verhemelte, sê “jiggie” en kyk by die venster uit. Drie Susters, verkondig ‘n bordjie vrees fokol6waarby hulle verbyry.

Hy sit skielik regop van pure opgewondenheid.

“Jirre, Jackie, kyk, kyk!” roep hy en pluk aan Jackie Sieberhagen, op die bestuurdersitplek langs hom, se skouer. “Ek het al gehoor van hierdie plek! Hier is, soos, drie fokken hot susters hier. Fokken drieling of iets.”

Jackie ruk hom los uit Tyler se sweterige greep. “Fok, los my, wil jy hê ek moet die kar fokken onderstebobliksem!”

“Sorrie Jackie,” sê Tyler, “ek het net nog nooit ‘n hot drieling gesien nie.”

“Dis die berge, jou aap,” sê Jackie, “die berge is die susters.”

Tyler kyk verwoed om na die berge, in die hoop om sprankelende sibbe teen die hange op te merk. Hy kyk teleurgesteld na Jackie.

“Ek vang dit nie,” sê hy. “Die berge lyk nie soos susters nie.”

“Ja, man, maar hulle lyk dieselfde.”

“O.” Tyler kyk weer rond. “Nou waar kom die drie-ding in?”

Jackie kyk ook om na die berge, op soek na ‘n algoritme wat die benoeming sou verduidelik. “Ek fokken weet ook nie,” sê hy oplaas en haal ‘n Chesterfield sekuur van agter sy linkeroor uit en swaai die zippo-aansteker oop.

‘n Luide gaap klink vanaf die agtersitplek op. Danny leun vorentoe.

“Jissis. Waar is ons?”

“Drie susters!” roep Tyler opgewonde, skielik oortuig dat Jackie eintlik net die drie susters vir homself wil hê en hom dus op ‘n dwaalspoor rakende die ontstaan van die dorpie se naam lei.

“Drie susters?” sê Danny. “Drie fokken susters? Jackie, hoekom de fok is ons by Drie Susters?”

Jackie kners op sy tande. Hy’t gehoop die spul slaap langer.

“Ons is op Drie Susters,” sis hy, “want ons soek die droom.”

LEES DIE RES VAN HOOFSTUK 6 HIER

Deel met jou vriende:
  • Print
  • Digg
  • del.icio.us
  • Facebook
  • Google Bookmarks
  • laaik.it
  • StumbleUpon
  • Twitter
  • email
Ook gefile in Snotstories | Tagged | 5 Comments

Vrees Fokol – Hoofstuk 5: ‘n Vrou se wraak

Vrees Fokol is 'n vervolgverhaal van 10 hoofstukke. Die eerste 4 hoofstukke is verniet beskikbaar. Hoofstuk 5 tot 10 sal vir R7 elk verkoop word om die skrywer te vergoed vir sy skryfwerk sodat die arme drommel ook 'n kaas-en-tamatiesous broodjie kan vreet.

Jy kan dus inclub met ses ander tjommies vir R1 elk as dit vir jou te duur is en dan vir mekaar die copies e-mail.

Alle persone in die roman se name is verander om hul identiteite te beskerm. Dit het egter ietwat kak geklink, toe word dit maar terugverander.

Julle kan die vorige hoofstukke hier dowload in PDF format:

Hoofstuk 1

Hoofstuk 2

Hoofstuk 3

Hoofstuk 4


Hoofstuk 5 – 'n Vrou se wraak

“Waar is hulle?” vra ‘n jong meisie met ‘n bofbalkeps wat laag oor haar oë lê. “Toe, ons weet hulle was hier voordat hulle gefokken waai het.”vrees fokol5

Jackie van Onselen staan by die voordeur, onseker oor wat om te sê aan die twee vroue voor haar. Die parate, seningrige een met die bofbalkeps herken sy as Charlene, die meisie met wie Oscar omgaan. Die ouer vrou met die kopdoek en die blokkiesruitrok wat senuagtig rondtrippel en Lexingtons rook asof dit suurstof is, herken sy as Tyler se ma, tant Suzie. Sy wonder vlugtig of Danny dan nie bekommerde aanhangels het nie, maar merk mettertyd op dat ‘n paar ouer vroue wat angstig en frustreerd lyk in die agtergrond van die oprit rondskuifel.

Sy glimlag. Dié Danny, darem. Doos.

Sy het die oggend op ‘n paar geskribbelde notas van haar geliefde kêrel, Jackie Sieberhagen, afgekom. Onder meer was daar ‘n groot, hoewel kleuterskool-agtige, skets van ‘n diamant. “Die fokken droom,” het hy in haas onherkenbare handskrif neffens die skets geskryf.

Sy ken haar Jackie goed. Kimberley.
Hoewel al die teenwoordige vroue haar reeds afwagtend aankyk, werp sy haar palms in die lug.

“Stilte!” roep sy. Sy het nog nooit so magtig gevoel nie – dit moet wees hoe Jesus gevoel het, dink sy. “Vriende, Vanderbijllers, Suid-Afrikaners – poes julle ore hierdie kant toe. Ek scheme hulle is Kimberley toe. Met Jackie se Honda.”

‘n Verbaaste stilte heers in die oprit.

“Fokken Kimberley?” gil Charlene en spoeg haar kougom gewalg skoon eenkant. “O, Here, hoekom haat jy ons so?” roep sy terwyl sy haar oë na bowe werp en tannie Suzie ‘n senuagtige hap uit ‘n kaas-en-tamatiesousbroodjie vat.

LEES DIE RES VAN HOOFSTUK 5 HIER

Deel met jou vriende:
  • Print
  • Digg
  • del.icio.us
  • Facebook
  • Google Bookmarks
  • laaik.it
  • StumbleUpon
  • Twitter
  • email
Ook gefile in Snotstories | Tagged | 9 Comments