Check hom

Lisensiekantore – Is Dit Net Ek Of Is Als Tos?

In Is Dit Net Ek Of Is Alles Tos? deur griffinRek jou bek

Ons (griffin & chopper) se boek, Is Dit Net Ek Of Is Als Tos? word hierdie jaar (2019) teen Augustus se kant 11 jaar oud. Om dit te celebrate het ons besluit om alfabeties met die lys af te gaan en ‘n paar topics uit die boek te kies om weekliks hier op Watkykjy te publish, seinde dat ons die regte besit. Dis lekker kort stukkies wat jy op die kakhuis kan lees. Dink daaraan as jou klein zef kakhuisbybeltjie met pitkos vir elke dag… Wel, elke dag tot ons die boek se einde bereik.

Lisensiekantore

Om jou bestuurslisensie in Suid-Afrika te hernu grens aan volksmoord of ‘n Zimbabwe-herverkiesing. Dis verskriklik. Ek het geweet D-dag kom nader, so ek het my ongelisensieerde gat een Donderdagmiddag Waltloo-toetsgronde se kant toe gepunt om my liksens te gaan hernu. Omdat ek ‘n tipiese Suid-Afrikaner is het ek natuurlik tot op die absoluut laaste oomblik gewag. Kry ek nie my papiere in order nie, word ek dalk by ‘n padblokkade voorgekeer en reguit tronk toe gesleep. Sonder om R200 te score of by “Begin” verby te skuif.
(Die een keer wat ek wel tjoekie toe is, het ‘n vriend gedink hy’s ‘n hanswors deur ‘n potjie Vaseline en ‘n trui vir my te bring in stede vand die R1000 borgtog waarvoor ek gevra het. Baie snaaks. Vir hom.)
Mense wat reeds hierdeur is, het my gewaarsku om vroeg by Waltloo te wees. Dus is ek daar net na vier die oggend. Die plek is gepak. Een of ander damduiker in ou Nikes en ‘n tagtigs neon anorak kry dit reg om die mense in ‘n ry te laat aantree en hulle name neer te skryf. Ek is nommer 122 (great) en gaan sit met my rug teen ‘n muur en begin boek lees. Tyd vir die lang wag.

Nie so maklik nie, want elke ou in die ry word jou pêl vir die dag. Ek moet luister na ‘n girl se hele lewensverhaal oor haar goudvis, papegaai, woonstel in Gezina en spraypainter boyfriend. Nege ure lank in ‘n ry saam met mense met hulle kampstoeltjies, worsbroodjies, leeutjie-asems en stink voete. Die ry wat elke tien minute een meter skuif. Die lang, lang, stink ry buite die gebou.
Dit raak spannend as ons binnekant toe begin beweeg. En dit lyk simpel. Elke nou en dan gaan die voorste ou vir vingerafdrukke en oogtoetse in en dan skuif die hele ry elkeen een stoel aan. Ek is nog steeds saam met al dieselfde stinkies en die papegaai-girl wat die rystaners teen hierdie tyd seker al as my eggenote beskou. Sy hou nie vir een sekonde op met praat nie.
Beterweterige mense is daar baie. Die tipe wat sulke oogtoetse vooraf by die oogarts laat doen het en nou ewe selfvoldaan met sulke groen kaartjies soos poue ronddrentel. Lyk of hulle van die veearts af kom. Blykbaar gedoen om tyd te bespaar. Maar die slimkoppe moet in dieselfde ry as die res va ndie gepeupel staan, want die oogtoets en vingerafdrukke word in dieselde klein kamertjie gedoen. Briljant.
Nege uur later is ek voor in die ry. Ek slaak ‘n sug van verligting as ek altwee toetse deur is. Teen hierdie tyd is ‘n ou al so uitgeput en gedisoriënteerd dat jy regtig glo ids moontlik om jou vingerafdrukke te dop. Laergraad stuff.
Nou word daar in nog ‘n ry aangetree om te betaal. Surprise, surprise! My nuwe Gezina-girlfriend staan klaar in die ry, reg om my reeds-mal kop van my lyf af te praat. Soos ‘n Boeregeneraal in 1902 is my moed gebreek. Ek hallusineer en yl. Net hier sit ek die fok-dit handdoek om my nek, vat my bal en fokof. Ek sien nie kans vir nog twee ure van Waiting For Godot nie.
Die volgende dag span ek my vorige dag se ervaring tot my voordeel in. Ek sluip eers halftwaalf daar in. Ek weet die mense is al flou en moeg en minder oplettend, so ek druk by die ry in, word binne tien minute gehelp, betaal my lisensie en sny ‘n lyn so vinnig as wat ek kan.
Ek moes nogal vinnig gefokof het, want ek het later ‘n R500 spoedkaartjie in die pos gekry.

Is Dit Net Ek Of Is Al Tos is in 2008 geskryf en uitgegee en daar was so baie copies verkoop dat ons dit in 2009 laat herdruk het. All-in-all is daar nog net so 10 onverkoopte copies oor op aarde en ons sal teen Augustus se kant besluit wat om met hulle te maak. Kort antwoord – dis nie tans te koop nie.


Place your ad here

griffinLisensiekantore – Is Dit Net Ek Of Is Als Tos?
Check hom

Zefspotters en so paar simpel Afrikaanse memes

In Zefspotters deur griffinRek jou bek

Stuur daai zef kiekies op jou foon aan sodat ons die mede-zefgatte se Maandag kan kickstart.
Sweef dit na griffin@watkykjy.co.za


Ek voel fokken jammer vir hierdie kinders wie se ma hulle wil braai en vreet??!
Louise

Hier is net te veel wat hier aangaan in hierdie foto. Die sif ou boere omie met sy two tone outfit langs sy pienk bakkie bakkie in Limp(pomp)o. Waar wil jy daai vuilpiel loop indruk, jou skurwe skobbejak?
Dirk
Rock uit met jou blokfluit!
Arthur Akkedis
“Het ek jou al my Henna tatoo gewys?” tune ‘n vriend my noudiedag by Park Acoustics.
Hierdie is ‘n foto van ‘n actual regte tattoo wat tune dis ‘n Henna tattoo. My tjommie Werries het serious probleme.
griff
Almal ken ‘n recce of het ‘n oom wat een was of skiem hy was self een en glo homself.
Flip

Wanneer iemand op Facebook se simpel opinie lug. Kyk, almal is geregtig tot ‘n opinie, maar mens kry ‘n hele paar tietkoppe wat like om eiertjies uit hulle beurt te lê. En sommige van hulle like dit om dit pap dik aan te draai. Daai tipe mense vir wie al ‘n mljoen keer gesê het om nie te oordryf nie. Soms moet jy maar net opgee met ‘n “nouma piele” maar soms moet jy hulle net so bietjie tune met so bietjie hulp vanaf Watkykjy:


griffinZefspotters en so paar simpel Afrikaanse memes
Check hom

Dis naweek, kom ons fokken duik!

In Dis naweek kom ons fokken duik! deur griffinRek jou bek

Liewe Vrydag, ek is so bly ons is weer saam. Ek is jammer jy moes sien hoe Maandag, Woensdag en Donderdag my eiers mishandel maar ek het die hele tyd net aan jou gedink…
Place your ad here

griffinDis naweek, kom ons fokken duik!
Check hom

Boutique Farm Festival – Het Donald Trump sy goeie musieksmaak vir die wêreld weggesteek? 

In Rolbees Reviews deur RolbeesRek jou bek

Ek het nog nie eens begin dink wat die eerste band sal wees wie se album ek in 2019 gaan review nie. Ek is nog half vakansie-breindood. What the hell do you want from me? Anyways, gisteraand kry ek ‘n oproep van iemand wat vir my nes Donald Trump geklink het. Ek het eers gedink dis Griffin wat dink hy is fokken Leon Schuster en die gek skeer met my, maar Griffin is nie so verbeeldingryk nie.  Die persoon aan die ander kant het net onsamehangend gemompel. Al wat ek kon hoor was “Botox Fart Festival” en “the best we got are tits.” So iets. Die oproep het amper so vinnig geëindig as wat dit begin het. Ek was die nuuskierigheid vansself so ek gaan Google toe maar wat ek dink ek gehoor het. So tussendeur al die weird porn wat my soekresultate opgelewer het, kom ek so waar as wragtag op hierdie video van die oranje dweepsieke af. En mense sê jy moenie alles glo wat jy op die internet sien nie? Lyk heel legit vir my. Het Donald Trump tot nou toe sy goeie musieksmaak vir die wêreld weggesteek? Amper soos sy Russiese konneksies.

Check net hierdie festival se line-up waarin hy beweerdelik miljarde belê het onlangs:
Werner Bekker
Die Horries
The Amblers
Fritz Gun
Apocalypse Later
The Catharina
Wolfgang Marrow
Calling Kingston
Georgetown Band
Zionruts Family
Kenny Hughes
Die See
Son of Hawk
Greg & The Organics
Pedro Barbosa
Bad Peter
Valiant Swart
Velves
Radio Kalahari – RKO
WONDERboom

Ek het actually al ‘n moerse klomp van hierdie artists se musiek review. Ek voel nou sommer sleg dat ons ou komkuif soveel kak gegee het oor die jare. Ons is verskriklik jammer Donald, man. Watkykjy sal dit nooit ooit weer doen nie. Ons belowe.

So vandag het ek gedink ek gaan ‘n paar van die “best artists they got”, en wat ek nog nooit review het nie, se musiek op Spotify opspoor en my vinnige opinie daaroor gee.  Miskien is hulle befok? Dankie Ou POTUS, man! Jy is die beste!

Fritz Gun?
Mmmm, sy EP genaamd What you Are (2016) het sommer dadelik my aandag behou. Dis old school sounds hierdie, baie reminiscent van die eighties pop-rock wat op die charts was way back when. Darkness Express is sommer dadelik my favourite song. Very Bryan Ferry-ish maar die tunes is ‘n dash meer acoustic kitaaraangedrewe. Fume het weer ‘n meer acoustic folk sound. Gaan luister sommer die hele EP. Dis fokken kief luister musiek.

Werner Bekker
Kom ons hou vir nou by die acoustic vibes. Werner Bekker is ‘n meester van fingertapping kitaarspel. Eddie van Halen het dit famous gemaak en blykbaar sy idees gekry deur Jimmy Page dop te hou tydens sy Heartbreaker solo.  Sedertdien het hordes artists dit in hulle kitaarspel gebruik maar Werner Bekker het sy eie chilled AF en unieke manier ontwikkel om dit te doen. Die feit dat hy sy kitaar op sy skoot jol herinner my nogal aan oorlede Jeff Healey se manier van tokkel. Werner Bekker het ook al twee EPs op Spotify.  Maar doen jouself ‘n guns en luister sy nuutste single I’m with you. Beautiful song met ‘n dik vibe en die songwriting is tops. Billboard Top 100 hoendervleis. Jirre.  Hy was nou die dag in die Huisgenoot en op SABC TV ook. Gelukkig vir al die regte redes.

Die See
Alhoewel ek nog nooit op Watkykjy hierdie rampokkers ge-feature het nie was dit die eerste band wat ek ooit ge-interview het. Way back when in 2010. Terwyl ek in die tronk was het ek op Johan Vos (guitarist vir Polar Dust) se website www.musiekvraat.com daai tyd interviews en reviews geskryf vir ‘n ruk. Dit bestaan ongelukkig nie meer nie en die tronk het my anyway te besig gehou, maar lang storie kort: ek moes quit. Die See het however nie opgehou musiek maak nie en hulle donker Pink-Floyd-wat-Syd-Barret-snuif-meets-Koos-Du Plessis sound op die debut album is net nog verder ontwikkel op hulle tweede album genaamd die SEE II. Kyk ek sê nie jy moet balls to the wall trip as jy hulle musiek luister nie, ek sê jy gaan anyway as jy dit hoor.

Bad Peter
Laastens, net om billikheid en gelykheid te laat geskied, kom ek kies ‘n band wie se musiek nou nie juis voorheen my persoonlike smaakpappillen laat opvlammen heb niet. Ek het hulle al live sien optree en weet hulle kan ‘n moerse party opstook, en die mense love hulle big time. Ek is seker al weer die odd one out. So as julle wil stupid raak op ‘n Sondag. Of ‘n Vrydag. Of ‘n Saterdag. Luister na die leier van die vrye wêreld en fok na die “Botox Fart Festival” toe. Mmm, Bad Peter klink actually nie te bad nie. Sal hulle moet uitcheck daar.

Ek sal volgende week ‘n paar van die bands interview ook. Welkom terug by Rolbees Reviews. Dis 2019 en een jaar nader aan die totale verwoesting van die heelal.  Geniet dit terwyl jy kan!


RolbeesBoutique Farm Festival – Het Donald Trump sy goeie musieksmaak vir die wêreld weggesteek?