Check hom

Stick jou lam vir Liefde by die Dam! (score tickets!)

In Kompetisie, Watkykjy Gigs deur griffinRek jou bek

Konsert en kuier gaan hand aan hand, en handjies vashou is mos Liefde. Vanjaar vind die gewilde Liefde by die Dam op Sondag 5 Augustus plaas – weer by Emmarentia Dam, een van Suid-Afrika se mooiste konsert-tuine. Liefde By Die Dam, vernoem na Valiant Swart se bekende treffer met dieselfde naam, strewe daarna om as vertoonvenster vir die beste plaaslike talent te dien. Die program sorg vir die heerlikste musiek vir jonk en oud;`n ideale musiekbelewenis vir die hele gesin of `n lekker dag uit saam met jou besties. Ag ons! *neem sulke pouty selfie*

Die line-up is nou nie almal se cup of tea nie, maar teen R165 is dit at least die moeite werd om Die Heuwels Fantasties,  Francois van Coke, Koos Kombuis, Elvis Blue, en Bongeziwe Mabandla uit te check. Maybe is daar van julle wat dalk heavy closet fans is van Karlien van Jaarsveld, Martin Bester en Bouwer Bosch ook.
Charlotte Kanter, Liefde by die Dam se marketing manager tune dat hulle weer vanjaar kragte span met Bouwer Bosch en sy Liefde Wen-span om na die afloop van die konsert komberse in te samel vir minderbevoorregtes, so daar is darem nog so iets bietjie positief om die cringe effens te verdun.

Ons was self so twee jaar terug by die show gewees en dit was befok lekker gewees – bring piekniekmandjies. Daar sal ook `n verskeidenheid kosstalletjies wees en merch om te koop. Ons gaan hierdie keer weer ‘n draai skiet en ons beste dagdronk raak.

Wen ‘n stel double tickets!
Dis maklik – mail  ons net met ‘n nice briefie en vertel ons hoekom jy die stel double tickets soek vir die concert. As ons jou briefie like, sweef ons jou die tickets. Ons soek dit samblief voor Maandag (16 Julie) 17:00.
Stuur jou email na griffin@watkykjy.co.za

Program:
Hekke maak 10h00 oop.

11:00 – Martin Bester
11:40 – Bouwer Bosch
12:25 – Bongeziwe Mabandla
13:30 – Karlien van Jaarsveld.
14:30 – Koos Kombuis.
15:15 – Elvis Blue
16:15 – Die Heuwels Fantasties
17:15 – Francois van Coke

Datum: 5 Augustus 2018
Tyd: 10VM – 6NM
Plek: Emmarentia Dam, Johannesburg
Kaartjies by Computicket:  http://bit.ly/LBDD2018Tkts

R165 Aanlyn / Kinders 12 jaar en jonger: R75 / Onder 3: Gratis.

Spesiale kaartjie aanbieding:
VIP kaartjies: R595 – sluit VIP ingang, spesiale sitplekke naby verhoog, gratis drankies en versnapperinge.

 

Deel met jou tjommies!

    griffinStick jou lam vir Liefde by die Dam! (score tickets!)
    Check hom

    Vat Vyf! Week 28 van 2018 – Duduzane Dooskop en dinge wat brand

    In Wat is nuus? deur PK MalherbeRek jou bek

    1) Hoe gereeld sluip foute in by die vertaling van eksamenvraestelle? Dit gebeur heel periodiek volgens die Gautengse onderwysdepartement wat hierdie week omverskoning gevra het vir die foute wat in die tegniesewetenskapvraestelle wat in Junie geskryf is, voorgekom het. ‘n Swak vertaalde weergawe van die periodieke tabel is aan Graad 10- en 12-leerders by sekere skole verskaf, maar volgens die department het geen van die vrae verband gehou met die elemente wat verkeerdelik aangedui is nie. Elemente soos Gadolinium met die afkorting Gd is as “God” aangedui. Ander foute sluit in Helium (He) wat “Hy” geword het, Berillium (Be) het “Wees” geword, Kobalt (Co) het “Mede” geword, Jodium (I) het “Ek” geword en Astaat (At) het “By” geword. Wag tot Steve Hofmeyr (Doos) wat soms verkeerdelik as “Sanger” aangedui word, hiervan te hore kom.

    2) As jy wil wegkom met kraaim, bly weg uit Limpopo. Die provinsie is die enigste wat sedert 2013 daarin geslaag het om nie een enkele polisiedossier te verloor nie. Maar volgens ons Minister van Polisie, Bheki Cele, kan jy redelik kak aanjaag in die Wes-Kaap en Gauteng waar onderskeidelik 229 en 128 dossiere sedert 2013 vermis geraak het. Fok, mense, hierdie land is meer korrup as ‘n miljoen Microsoft Word files!

    3) “Pappa het in die kar gewag.” Oulike titel vir ‘n boek oor mens se lewe. Miskien sal dit die titel wees van die lewensverhaal van Duduzane Zuma, oud-president Jacob Zuma se seun. Want met sy tweede hofverskyning in die bestek van ‘n week, was hy net 5 minute lank in die hof voor die saak uitgestel is… so kort dat Pappa nie eers tyd gehad het om uit die kar te klim nie. Dit was in verband met ‘n motorongeluk in 2014 waarin twee taxi-passassiers dood is toe Duduzane se Porsche in hulle vasgery het. En ja, sy tweede hofverskyning. Want die eerste een hierdie week was in verband met bewerings dat hy by was toe die Guptas aan die vorige Minister van Finansies, Mcebisi Jonas, omkoopgeld van R600 miljoen aangebied het. Zuma moes in voetboeie in die hof verskyn en is borgtog van R100 000 toegestaan voordat die saak tot 24 Januarie uitgestel is. Bewyse, as enige nog nodig was, dat die vrot appel nie te ver van die boom af neerbliksem nie.
    4) Katryntjie het Jantjie mooi gevra. Kom huistoe. En Kurt Darren se verlange na sy mamma wou ook op Loslappie hand uitruk en hy wou met alle geweld huistoe. Maar na Engeland se vertoning in die Sokker Wêreldbeker hierdie week, is dit eerder ‘n geval van “Loslootjie.” Hulle is huistoe. Vir 4 jaar. Terug na Mamma toe. Want terwyl almal gedink het Kroasië se verskyning in die semi-finaal is net ‘n Los Gelukkie, het die span gat geskop en face hulle nou Frankryk in die finaal. En met spanlede soos Strinic, Mordic, Rakitic, Livakovic en Brozovic, is dit geen verrassing dat Engeland se reaksie as Sonofabic beskryf kan word nie.

    5) Ek fokken brand om te weet wat deur mense se koppe gaan voordat hulle ‘n gebou aan die brand steek. Sure, jy is ongelukkig. Dienslewering is kak. Pryse gaan op. Nicholis Louw release nog ‘n CD. Maar vir wat voel jy genoop om ‘n brandweerstasie aan die brand te steek? Kom, julle mensies van Gugulethu in die Kaap. Speak up! Bietjie van ‘n Catch-22, né ouens? Kom ons lees dit weer. Steek die brandweerstasie aan die brand. En versper die pad met brandende buitebande sodat die brandweer van Mitchells Plain nie vinnig genoeg daar kan uitkom om skade tot ‘n minimum te probeer beperk nie. Sommige mense probeer oplossings vind. Ander brand weer om kak te maak en hul eie noodsaaklike dienste keelaf te sny.

    Deel met jou tjommies!

      PK MalherbeVat Vyf! Week 28 van 2018 – Duduzane Dooskop en dinge wat brand
      Check hom

      Jon Shaban: Speak your Mind

      In Rolbees Reviews deur RolbeesRek jou bek

      Hier is bietjie alternative folk tunes wat ek nie normaalweg in my everyday playlist sou gooi nie, maar ek het geweet baie van julle sal dit dik smaak. Jon Shaban is die hoofsanger van The Shabs, ‘n folk- punk band van Kaapstad, wat deur hedendaagse Amerikaanse folk-punk beïnvloed is (soos Mishief Brew) en miskien ook deur modern punk rock bands soos Against Me! Shaban het onlangs sy tweede solo projek die heelal ingestuur. Om eerlik te wees ek het nog nooit van hom of The Shabs gehoor nie maar ek kan talent hoor as dit oor my pad kom. Hulle gaan nou ‘n moerse Europese toer doen en ek dink selfs as jy “old school” Mumford and Sons of The Lumineers se musiek geniet mag jy dalk ook net van hierdie tunes hou.

      My vinnige take op dit? Dis eerlike, organiese musiek met substance en ek kon die hele album met gemak deurluister en boonop geniet. Musiekgewys? Dis ‘n mengsel van eenvoudige folk kitaar, melodieuse klavier, upbeat viool, bietjie bekfluitjie en baie sterk lirieke. Meeste van die songs is redelik kort, soos die ou Bob Dylan folk songs van die sixties (alhoewel Dreaming of a Better Place en We Are The Ones is bietjie langer) maar daar is vyftien tunes op die album, wat nogal fokken baie is. Value for money, skiem ek.

      Die album het ‘n lekker Saffa gevoel – dit kan Shaban se aksent wees of net Kaapstad wat daar deursypel. Ek is wel meer ‘n fan van die donkerder Americana country en folk tunes deesdae, maar Shaban se stories is interessant en relevant en het my eventually ingetrek. Daar is ‘n duidelike anti-establishment punk vibe in die lirieke maar dit is meer sosiale kommentaar en nie so nihilisties soos die ou punk rock van ouds nie. Op songs soos byvoorbeeld We Need to Stay Positive klap Shaban en Stelth Ulvang (van The Lumineers) ‘n lekker positiewe folk-rap colab. Hierdie musiek is nie noodwendig iets wat in my persoonlike smaak val nie, maar die hele album is fokken skillfull gedoen.

      Shaban het ook ‘n aantal ander artists gekry om saam op die album as gaste op te tree. Ann Jangle, Jay Bones asook Jono Tait, Matt en Nico Catto van Hatchetman en Sarah Macarthur.
      Check it out!

      Deel met jou tjommies!

        RolbeesJon Shaban: Speak your Mind
        Check hom

        Rachael Taylor – Woensdag se warm bokkie

        In Warm Bokkies deur griffin1 Eiertjies

        Rachael Taylor is ‘n hot, blonde Tasmanian devil. Sy het in die laat 90s deelgeneem aan Miss Teen Tasmania en dit gewen en kort daarna Sydney toe getrek op sestienjarige ouderdom om ‘n career in acting en modelling na te streef. Sy het in so paar Australiese TV-reekse (wat onbekend vir ons sal wees) gejol maar het uiteindelik haar breakthrough rol gekry in Transformers (2007) as Maggie Madsen. Jy kan Rachael Taylor deedae in die rol van Trish Walker te sien kry in die befokte Netflix hit series, Marvel’s Jessica Jones. Dis ‘n kaklekker reeks, so maak ‘n plan om dit te kyk.

        Place your ad here

        Deel met jou tjommies!

          griffinRachael Taylor – Woensdag se warm bokkie