Even Cowgirls Get The Blues Part VI

In Rolbees Reviews deur griffinRek jou bek

Howzit, Griffin hier! Ons het ‘n vinnige Haasdas se Nuuskas newsflash vir al julle blues fans. Ons het verlede naweek ingepop by die SA Blues Society se jaarlikse Even Cowgirls Get The Blues Festival by Tweefontein Melkery. Daar was heelwat minder konsertgangers en kampeerders hierdie jaar maar dit was ‘n moerse besige naweek wat rock and roll oor die hele Gauteng aanbetref en mense was spoiled for choice all around. Great vir music fans, maar nie so great vir niche music festivals nie. Ekself was by Park Acoustics gewees en Rolbees kon ongelukkig net die Saterdagmiddag en -aand maak by Tweefontein, maar kom ons hoor wat tune hy. Hoe was dit ou Rol-bees-blaas?

Shot thanks, Griffin! Fokkit, ek moet sê die blues junkies wat wel daar was het opgemaak vir die swakker attendance hierdie jaar in pure gees en ongebreidelde passie. Dit sluit natuurlik die kunstenaars ook in. Ek het myself behoorlik verlustig aan al die bands wat opgetree het. Nie een band was tos nie. Ek skiem sommige se musiek is net verder developed as ander. Tweefontein Melkery is so ‘n authentic venue, weg van al die stad se kak en hare en as jy nog lekker mense in die mengsel gooi, dan is dit soos ‘n klein chilled vakansietjie. Dis obviously hoekom mense dit geniet om daar te gaan kamp vir die hele naweek.
Raaait, terug by de tunes. Ek het lanklaas Bright Lights Big City live gesien en het moerse uitgesien daarna maar hulle het reeds twee songs gejol toe ek daar ingerol het en die jirre weet, toe is daar nog onverwagte loadshedding ook. Fokken Eskom! Dit het so rukkie gevat om die generator aan die gang te kry maar, langstorie-kort, kon ek toe nie die band behoorlik uitcheck nie. Ek wil graag hulle nuwe album review though. Illimar Neitz se studenteband, The Good Doctor’s Beetle, was weer ‘n plesier om te sien en te hoor. Dit gee die studente moerse selfvertroue om op stage te jam en daai smiles so tussendeur die senuwees het boekdele gespreek. My gunsteling acts van die aand is ‘n toss up tussen Bad Luck & Trouble en ‘n jong bra van die Oos-Rand met die naam Kenny Hughes. Kenny gig nog nie eens lank nie. Ek dink hy het getune hy jol nou eers ‘n jaar en ‘n paar maande.

Dis nie die eerste keer dat my paaie kruis met hom nie. Ek het hom ook by Mystic Boer Brandy se Distilled Sessions vinnig sien optree so rukkie terug. Maar trust me, sy vollengte live shows is befok! Kenny Hughes het serious talent en hy gaan nog ‘n moerse naam vir homself maak. Sy eie materiaal klink old school blues maar dit het ‘n unieke chilled vibe wat ek nogal like. Hy is ook nie bang om classics te cover op so manier dat jy dit amper nie kan herken nie. Soos ‘n blues version van Guns and Roses se Sweet Child O’ Mine, byvoorbeeld.  Dis ook nie die eerste keer dat Bad Luck & Trouble oor my pad kom nie. Donovan Honeyborne, Jo Lombard en Jacques du Plessis is al ou garde in die musiekbedryf en was verlede jaar ook daar met hulle cowboy outfits and all. Hierdie jaar was hulle set vir my net soos om voor ‘n moerse analog soundsystem te sit en luister. Warm, vol country-klanke met layered guitaring wat jou blou hartsnare tokkel. As jy van Johnny Cash, Willie Nelson, Waylon Jennings en Kris Kristofferson hou dan gaan hierdie cowboys se genuine country vibes jou mind blow.
But wait, there’s more! Die jonger generasie se musiek het nie disappoint nie. Sumo is seker ‘n mengsel van jazz, blues, pop en rock maar wat my opgeval het is die primal riffs en rhythm section. Die basics klink soos AC/DC maar, onthou, dis ‘n millennial band: hard en non-genre specific. Maar soos rock an roll moet wees, vol pret. Die interplay tussen die male en female vocals werk ook. Vincent, Jean, Jacques en Surike. Dis lekker, hoor! Last but not least was Jungle of Mischief. Nog ‘n lekker jong band wat nou nie eintlik blues is nie maar die kids love dit mos om met genres te maak net wat de fok hulle wil. Goeies!

As ek die aand kan opsom is dit: oorgenoeg musiek, net te min mense.
Rolbees, oor en uit.


Hierdie post is 5 keer in totaal gelees en 1 keer vandag gelees.

Watkykjy staan op 60,960 post views in totaal sedert 1 November, 2019.

Share dit faktap
  •  
  •  
  •  
  •  
  •  
  •  
  •  
  •  
  •  
  •  
  •  
  •  
griffinEven Cowgirls Get The Blues Part VI

Gooi Comment