Vat Vyf! Week 24 van 2018 – Fok jou, ESKOM!

In Wat is nuus? deur PK MalherbeRek jou bek

1) Ons ou landjie gaan darem van krag tot krag. Except, it doesn’t does it? Na Eskom laasweek besluit het om werkers sulke 0% verhoging aan te bied, het die siedende massa besluit om te staak. En donker tye lê blykbaar voor. Want sien, solank as wat hulle staak en nie-stakers dreig en intimideer, verkoop kerse (die onromantiese tipe) en Koo se Baked Beans soos Bles Bridges plate in Orania. Ten spyte van beloftes van 0% beurtkrag hierdie winter, moes Eskom toe bakhandjie staan en verbruikers vra om hul elektrisiteitsverbruik te verminder hierdie week om die netelige kwessie te probeer vermy. Vakbond, Numsa, het Eskom 7 dae gegee om op eise te reageer of daar sal ‘n nasionale afsluiting van die land se kragstelsel wees. Ons enigste hoop? Die Sokker Wêreldbeker. Miskien sal die krag so bietjie langer aanbly?

2) Gepraat van sokker, die skouspel het afgeskop met gasheerland, Rusland, se triomfantlike 5-0 oorwinning oor ‘n klomp kombuisvadoeke. Dit nadat Robbie Williams (vra jou Ma) verrigtinge geopen het – vermoedelik omdat hy een keer Russian en chips geëet het of op ‘n Rusbank gedratie het, want hy is so onfokken-Russies soos Klipdrift – so paar liedjietjies gesing het en toe in ‘n kamera ingekyk het en vir die wêreld ‘n middelvinger gewys het. Sulke skok. Sulke walging. Sulke rowwe bliksem. Nou kan ons almal maar nader skuif voor die kassie en regmaak vir die beste acting sedert Tom Hanks retarded was in Forrest Gump. Want die macho werfetters wat die game speel kry mos makliker seer as ‘n tiener met puisies.

3) Ons “Penvriende van die Week” is Amerikaanse landsburger Donald Trump en Kiem Jong-jygaanrapekak van Noord-Korea. Die twee modefratse het hierdie week ‘n ou kontrakkie onderteken waar Kiem ingestem het om al sy land se kernwapens in die see te gooi en Donald het ingestem om sy ouma se ingelegde koejawel-resep te deel. Of so iets. Trump het toe bygevoeg hy sal “die baie talentvolle” Kiem nooi om by die Withuis te kom kuier “op ‘n gepaste tyd.” En hy sal self ook een dag graag by Kiem se landelike gehuggie in Pyongyang wil gaan inloer. Sulke Brokeback Mountain 2 vibes.
4) Dit was ‘n fantastiese week vir Suid-Afrikaanse sport. Die moordende Comrades-marathon het plaasgevind en Suid-Afrikaners het in beide die mans- en vrouensafdelings eerste oor die wenstreep gehardloop. Die nuwe Springbokke het ‘n magdom negatiewe moerskonte en kakiedraende karavaankinders verkeerd bewys en hul eerste wedstryd onder ‘n swart kaptein, gewen deur heldhaftig terug te veg toe dit gelyk het of Engeland ons sonder KY deur die ore gaan werk. Ag julle! Ek was laas so trots toe ek na een van Rodney Seale se praatjies die hidden messages kon hoor toe ek een van Queen se plate agteruit gespeel het.

5) Kyk, as jy ‘n woordeboek nadertrek en die woord “delusional” gaan soek, gaan jy sweerlik Hlaudi Motsoeneng se naam langsaan geskryf sien. Ou Rooi-oog het by ‘n CCMA-verhoor hierdie week laat hoor dat hy uniek is. No shit, Shitlock. Hy challenge mos die besluit waar hy destyds gevra is om sy goed by die SABC te vat en te fokkof. Daar is getuienis aangehoor oor hoe hy die SABC-raad nie geraadpleeg het oor sy besluit om die musiekbeleid te verander na 90% local nie en hoe die besluit die SABC verliese van nagenoeg R300 miljoen in advertensie-inkomste laat ly het. Sy response? Die SABC bevind hulle tans in ‘n geldelike verknorsing juis omdat hulle hom laat gaan het. Delusional. En dit maak jou nie uniek nie pappa… jy is een van baie delusional karakters in hierdie land.

Asshole.
Place your ad here

Deel met jou tjommies!

    PK MalherbeVat Vyf! Week 24 van 2018 – Fok jou, ESKOM!

    Gooi Comment