Bedelaars met ‘n Liegstorie – Is Dit Net Ek Of Is Als Tos?

In Is Dit Net Ek Of Is Alles Tos?, Snotstories deur griffin en Chopper CharlieRek jou bek

Ons (griffin & chopper) se boek, Is Dit Net Ek Of Is Als Tos? word hierdie jaar (2018) teen Augustus se kant 10 jaar oud. Om dit te celebrate het ons besluit om alfabeties met die lys af te gaan en ‘n paar topics uit die boek te kies om weekliks hier op Watkykjy te publish, seinde dat ons die regte besit. Dis lekker kort stukkies wat jy op die kakhuis kan lees. Dink daaraan as jou klein zef kakhuisbybeltjie met pitkos vir elke dag… Wel, elke dag tot ongeveer Augustus.

Bedelaars met ‘n liegstorie

“Jirre Meneer, partykeer gaan dit ook maar darem donners broekskeur.” Hier verwys ons jou nie na Leon Schuster se plate aan die begin van sy loopbaan nie. O nee. Vuil, stink, songebrande en dronk boemies met liegstories. Dis hom daai. Dis inderdaad hoe ‘n boemie hierdie twee skrywers voor die Stadskouburg in Vereeniging genader het toe ons staderd sewe laaties was. ‘n Stink boemie met ‘n skewe bek, ‘n baard en ‘n moerse liegstorie wat geld uit veertienjarige kinders probeer kry. Nice.
Die treinstorie is altyd ‘n gunsteling. En low en behold, almal is altyd net R15 kort vir ‘n kaartjie en die bestemming is altyd Port Elizabeth of Oos-Londen. Ons het dit ge-cross reference met vuil stink boemies van Pretoria se liegstories ook. Verdere ooreenkomste sluit in:

  • ‘n Familielid lê op sterwe en die lang treinrit is doodsbelangrik.
  • ‘n Nuwe werk wag in Port Elizabeth of Oos-Londen. (Hy’s seker dronk na die feesvieringe oor die nuwe betrekking.)
  • Hy vra vir jou posadres om jou geld terug te stuur sodat hy by sy bestemming kan uitkom.

En dan is daar ook die jonger, meer tragiese tipe- die junkie met ‘n liegstorie. Ai. Dié armsaliges hang by robotte, stopstrate of winkelsentrums uit. Geklee in vuil swart jeans en vuil swart T-shirts wat soos swart sakke aan hulle brandmaer skelette hang, staan hulle en krap aan hulle arms tot jy die fout maak om na hulle kant toe te kyk.
Dan kom die verleë glimlag, nog ‘n armvryf en die swoop.
“Askies Meneer, maar ek kom nie van hier af nie. Ek probeer entilik in Port Elizabeth/Oos-Londen uitkom, maar my beursie is gesttl…”
Wat heel moontlik waar kan wees. Daai apie op hulle rug het baie lang vingers en laaik veral van geld. Geld vir draks. Of dop.

Is Dit Net Ek Of Is Al Tos is in 2008 geskryf en uitgegee en daar was so baie copies verkoop dat ons dit in 2009 laat herdruk het. All-in-all is daar nog net so 10 onverkoopte copies oor op aarde en ons sal teen Augustus se kant besluit wat om met hulle te maak. Kort antwoord – dis nie tans te koop nie.

Deel met jou tjommies!

    griffin en Chopper CharlieBedelaars met ‘n Liegstorie – Is Dit Net Ek Of Is Als Tos?

    Gooi Comment