Smaak my Suid-Afrika kan nou maar weer lag vir ‘n slag

In Snotstories deur Watkykertjie bydraeRek jou bek

(deur Melt Sieberhagen)
Not with a bang, but with a whimper. Daar vat die main peanut in die plunder-pantomime toe sy goed en loop. Nie maklik nie, maar darem. Nie vinnig nie, maar uiteindelik. Daar is wel diegene wat dink dat Cyril Ramaphosa die beste ding sedert gesnyde (wit)brood is, maar kom ons wees eerlik: Dis nog ’n politikus. Hy hoef net beter te wees as sy voorganger. En dis nie juis ’n uitdaging nie. So met die land wat terugkeer na ’n semi-normale bestaan, is daar ’n heel nuwe uitdaging wat voorlê: Komediante moet nou weer hulle eie jokes skryf, want die groot joke met die stortkop, kuggie en koggelmander-laggie is nie meer daar as standaard giggelmateriaal nie.

Ten spyte van die ekstra moeite en werk vir ons in die lag-bedryf, is dit grotendeels ‘n baie goeie ding. Daar is great komediante in Suid-Afrika wat enige tyd kan kers vashou by internasionale acts. Daar is ook minder great komediante, maar die meeste van ons is nog steeds nie kak nie. Sit hierdie naweek bietjie terug en geniet ‘n paar van Suid-Afrika se bestes op hulle besete beste.

Hier is die (trompetgeskal) Grappige Groot 3 op Showmax:

Gums and Noses
Okay, hierdie is nie ‘n komediant as sulks nie, maar een van Suid-Afrika se beste komedieskrywers in aksie. Dis ‘n movie wat al meer as tien jaar terug gemaak is en omdat dit nie mainstream teatervrystelling gekry het nie, het dit tussen die krake deurgeval en nie op baie mense se radars verskyn nie. As jy net een van al hierdie shows/programme kyk, maak seker dis die ene. Craig Freimond het intussen ook draaiboeke vir Material en Beyond the River geskryf, maar dis met Gums & Noses wat hy my die heel eerste keer laat besef het sy aanvoeling vir eg-Suid-Afrikaanse humor is haarfyn en erg akkuraat.

Dit gaan oor ‘n gewone ou (Anthony Coleman) wat ‘n job losslaan by ‘n advertensie-agentskap. Met al die druk om te presteer en deadlines op kreatiewe buite-die-doos-dinkende op te los, val hy in die groot, wit, poeieragtige slaggat wat soveel ad execs in val: Koukyn. Colombian Marching Powder. Wit Goud. Drugs. Vir geen oomblik gaan ek voorgee dat drugs en verslawing ‘n piele of snaakse ding is nie, maar hierdie is tog ‘n lighartige kykie na presies hoe hard en uitbundig ‘n lewe uitmekaar kan val as substance (ab)use die oorhand kry.

Lionel Newton is sy pel en partner-in-crime in ‘n vertolking wat my destyds laat besef het hy is een van die beste character actors wat die plaaslike bedryf ooit opgelewer het. ‘n Lekker rol wat met oorgawe vertolk word. En dan is daar natuurlik my absolute gunsteling: James Borthwick as ‘n dokter wat met ‘n goeie plattelandse metafoor verduidelik wat gebeur as jy jou hart te hard rev. Ek kan sy monoloog al uit my kop uit opsê. As jy my ooit in ‘n bar sien, koop vir my ‘n bier, dan doen ek dit vir jou. Natuurlik nie so goed soos Jimmy nie, maar amper. “You’re heart are like my bakkie…”

Check dit uit. Dis befok!

Comedy Central Presents…
Hier is ons nou by die regte grapgatte. Toe ek in 2006 begin stand-up doen het, was daar ‘n paar groot name (John Vlismas, Mel Miller, David Kau, et al) wat die gesig(te) van plaaslike stand-up was. Ons nuwe outjies het ‘n kleinerige mark gehad waarin ons kon inbeweeg en begin om te probeer om soos hulle te wees.

En toe ontplof alles. Letterlik. Alles.

Ek onthou die aand toe ek in Melville se Cool Runnings die Underground Comedy (longest running club gig in SA – 11 jaar) ge-host het, en Jason Goliath die eerste keer daar opgedaag het. ‘n Funny ou met ‘n regte werk in finance wat so bietjie kom grappies gooi vir drie minute… Nou’s dit nog nie eers tien jaar later nie en Goliath & Goliath is ‘n enorme comedy powerhouse. Donovan Goliath en Nicholas Goliath is die ander twee en Kate Goliath is een van die voorste promotors en agente in die land. Minder as tien jaar.

En dis nie net hulle nie. Daar het ‘n swetterjoel komediante op die scene verskyn en die beste van alles is: Hulle is nie kak nie. Glad nie.

Check die Comedy Central Presents reek op Showmax uit. Buiksprekers, malkoppe en outjies met snorre en truitjies – daar’s ‘n groot verskeidenheid en dis regtig baie snaaks. Dusty Rich, Conrad Koch, Rob van Vuuren, Schalk Bezuidenhout… Hulle is almal daar en hulle deliver.

Vang ‘n fliek
Daar is ‘n groot verskil tussen die Afrikaanse en die Suid-Afrikaanse filmbedryf. Nie in kwaliteit nie, maar in blootstelling en publisiteit. Dis great en alles dat Afrikaanse movies weer ‘n ding is, maar ‘n mens moet nie vergeet van die ander plaaslike films wat dalk nie ‘n hele kanaal, trust of mediahuis agter hulle het nie.

Check bietjie I Now Pronounce You Black and White of Wonderboy For President uit om te sien wat daar ook in die land aangaan. Selfs Blitzpatrollie of Jozi (Alhoewel Jozi eintlik ‘n baie afgewaterde weergawe van Gums and Noses is… Weereens James Borthwick met die most memorable line: “Here at Daspoort Rehab the only pill is the Gospel”) Moet ook nie van die ouer flieks soos Soweto Green met ‘n baie jong ponytail-bedekte Casper de Vries en Taxi To Soweto met Elize Cawood in een van haar beste rolle ooit, vergeet nie.

Daar is meer plaaslike humor daarbuite as wat jy dink. En dis alles op Showmax. Selfs al is alles wat hierbo genoem is vir jou redelik flou, vervelig of pleinweg tos, kan jy insettle met ‘n pakhuisie vol vintage Leon Schuster movies, ‘n klomp Casper de Vries shows en omtrent elke snaakse TV program wat die afgelope twintig jaar gemaak is. Van Molly en Wors tot by The Coconuts.

Die drol is uit die drinkwater uit en die nuwe president is daar. Laat hulle die kak wat hulle selfs aangejaag/laat aanjaag het, self uitsorteer. Kry ‘n bier, skop jou skoene uit en lag. Lag baie. Jy verdien dit.

Sign hierso op vir ‘n 14-dae free Showmax trial

As jy van ons vorige reviews gemis het en jy soek lekker leesstof, gaan krap hierso rond: http://www.watkykjy.co.za/tag/showmax/

 

 

Watkykertjie bydraeSmaak my Suid-Afrika kan nou maar weer lag vir ‘n slag

Gooi Comment