Lost Children- Jy kan The Dandies ‘n WhatsApp stuur vir ‘n free album

In Rolbees Reviews deur Rolbees1 Eiertjies

Ok, hier is ‘n band, oorspronklik van Potch af, wat ek vir die eerste keer live gesien het by die Road to Strab show (die een by Klitsgras in Pretoria) kortliks voor hierdie jaar se Strab festival in Moz plaasgevind het. Ek onthou ek was dadelik beïndruk met hulle energie. Dit is iets wat mens nie kan fake nie, veral omdat hulle ‘n two-piece band is en al die aandag op stage net op twee mense gerig is. Jy moet uithaal en wys, of dit gaan flou wees. Dit was alles behalwe flou. Ek was so links voor die stage en het geheadbang tot ek kopseer gekry het (so tussen ‘n klomp gesuipte mense wat nie te vas op hulle voete was nie). Dis maar ‘n occupational hazard as jy wil ruk en rol, die gewone vibe – julle weet mos – dis jare se pret.

Ek dink ek en Kaihl Meades, vocalist en kitaarslaner van The Dandies was van die min nugter mense in die plek, indien nie die enigstes nie, maar daar was niks fout met die band se kung-fu nie. Ek het hulle musiek op daardie stadium ervaar as ‘n baie positiewe punk rock vibe en dis ook hoe ek die band opgesom het voor ek die album en hulle musiek in meer detail gehoor het. Hulle is al twee jaar aan die gang, het oor die 200 shows agter die blad en dit sluit ook groter festivals in, maar tog in rock and roll jare is dit baie min.

Lost Children is hulle tweede album en is al ‘n geruime tyd beskikbaar op iTunes en Google Play. Die band het egter besluit om die album verniet beskikbaar te stel aan dié fans wat hulle WhatsApp en vra daarvoor. ‘n Hele aantal bands maak deesdae gebruik van die free album bemarkingsmetode omdat dit meer mense blootstel aan hulle musiek en hopelik meer mense na hulle live shows toe lok. Oor die langtermyn is dit ook beter om jou fanbase te vergroot, veral as jy beplan om ‘n killer opvolgalbum te maak. Nie alle beginner bands kan so ‘n gimmick bekostig nie, though.

Die album klink ‘n klein bietjie anders as die live show wat ek gesien het maar dis te verstane as jy ‘n two piece band is. Hulle maak ook meer van elektroniese klanke gebruik op die recording en het natuurlik die voordeel om veelvoudige guitar tracks te record met ‘n click track. Hulle vang nog nie hulle live show offering se energie so effektief vas op hierdie album nie, maar dis altyd ‘n moeilik ding om reg te kry, veral as jy nie ‘n moerse production team agter jou het om jou te back nie. Ek dink tog dit gee mens ‘n fokken goeie idee waartoe Kaihl en Tinus Lottering in staat is op stage en die vlak van kreatiwiteit waarmee jy te doen het.
Hierdie dudes het nog baie potensiaal in hulle. Ek is altyd maar bevooroordeeld as dit by sekere klanke kom, so gaan luister eerder self en maak jou mind op oor wat jy smaak en wat nie. It’s Coming het nogal ‘n System of a Down gevoel wat my aandag onmiddelik getrek het. Not My Fault en I Know laat my dink aan daai Brothers of Thunder projek van die De Jong broers (The Narrow). Lucky Monkey en Senorita is meer uniek – dis naby aan die surfer garage rock waaroor die Kapenaars so mal is op die oomblik, net met baie heavier basslines en riffs. Na Na Na is catchy as fuck. As iemand wat agnosties is (wat geloof aanbetref) hou ek nie van die songs wat te veel vir my preek soos Above the Mess en Big Man nie. Ek is fine daarmee om ‘n lost child te wees maar ter selfde tyd kan ek identifiseer met die positiewe boodskap wat meeste songs op die album my bied; die evangelistiese songs, however, sal ek eerder skip. As jy like van kerk toe gaan en geesvang gaan jy dit baie geniet. Ek vermy oor die algemeen religion maar daar is uitsonderings as dit by musiek kom. Ek is al dekades lank ‘n fan van Lenny Kravitz, byvoorbeeld, maar ek het ek al geleer om selektief na sy songs te luister. Daar is ook genoeg temas op Lost Children sodat jy kan kies en keur, maak nie saak wat jou sienings of geloof is nie.

Is daar nog ‘n plek in rock and roll vir religious musiek? Ek dink nie ons heidene het ooit alleenreg op rock and roll gehad nie. Ek stem dalk nie saam daarmee nie, maar het Amerikaanse Gospel musiek nie begin waar die blues begin het nie? En wie kan Stryper en Tourniquet vergeet? Too Hell with the Devil of wat nou weer? Dit was in my metal collection toe ek ‘n laaitie was. Reg langs my Powerslave en Kill ‘em All tapes.

Rol met ywer, rol met gees!

Whatsapp The Dandies by 072 1252 407 vir ‘n free album. Of as jy eerder die band bietjie will support gaan koop net die fokken album, man!

Deel met jou tjommies!

    RolbeesLost Children- Jy kan The Dandies ‘n WhatsApp stuur vir ‘n free album

    Comments

    Gooi Comment