Wolmer Fest was befok!

In Kief musiek deur Watkykertjie bydrae1 Eiertjies

Deur Big H.

Heine van der Walt het onlangs vir die eerste keer 'n musiekfees gereel, en met die eerste probeerslag dit spectacularly reggekry!

Wolmer Fest was gehou by die Wolmer Bush Lounge, en die eerste ding wat mens opval is dat mens sommer tuis voel as mens daar instap. Die plek het 'n vibe wat ek nog nie by ander feeste tëegekom het nie.

Ek was moerse impressed met die manier waarop alles inmekaar gevloei het. Die sekuriteit was vriendelik en het geweet wat hulle doen, die kos was great en baie billik geprys, die kroeg het gekook en ek hoor dat die kampeergeriewe ook lekker was. Alles het op skedule gebeur en Conrad Jamneck het, soos die professional wat hy is, die main stage laat loop soos stroop.

Wolmer Fest was 'n musikale ervaring soos min. Die 30 bands wat oor die 3 dae op die 2 verhoë gespeel het was 'n fantastiese mengsel van metal, rock, blues en selfs 'n bietjie jazz. Kyk, laat ons eerlik wees, die oorwegende tema vir die naweek was metal. Klipfokkenharde heavy fokken metal. Maar selfs al het jy nog nie heeltemal jou siel aan die metal gode verkoop nie was daar genoeg variëteit om enige liefhebber van goeie musiek tevrede te stel.

Daar was 'n hele paar bands wat vir my uitgestaan het. The Slashdogs het ou bekende songs gemeng met nuwe goed (kyk uit vir hulle nuwe LP Progress Through Plunder wat een van die dae uitkom) en was een van die hoogtepunte van die eerste aand. Underbelly was die Vrydagaand se ander hoogtepunt. Goeie fok daai ouens kan speel!

Die Saterdag het ook verskeie hoogtepunte gehad. Dave van Vuuren (ja, daai ou wat Idols al gewen het) was na 3 jaar weer herenig met Freedom For Your Life en hulle het die gehoor se gesigte afgesmelt. Dis een band op wie ek defnitief my oog gaan hou, want ek dink daar kom nog groot dinge van hulle af.

Because of Betrayal verdien ook spesiale vermelding. Na al die flack wat hulle die afgelope jaar in die media gevat het was ek nuuskierig om te sien of hulle die goods kan deliver. En hulle het. Kliphard. Ek hoop dus dat die fokus van nou af op hulle musiek sal wees, want dis 'n solid band en die Suid-Afrikaanse metal scene sal defnitief armer wees sonder hulle.

Daar was ander harde bands soos Story of a Stranger, Urban Vitamin, Home At Last en die Newtown Knife Gang, wat lekker afgewissel het met bands soos Feed The Wolf, Juggernaught en die Black Cat Bones, wat goeie ou rock ‘n roll goed verteenwoordig het. En, ja, die Black Cat Bones het alweer gewys hoekom hulle nogsteeds die beste live act in die land is.

En net toe ek gedink het dat die aand nie harder kan raak nie toe word die Wolmer Stage in klein stukkies geskeur deur Adorned In Ash, Red Helen en Bloodbeast. Motherfucker, dit was hard. En lekker!

Die beste van Wolmer Fest is egter gehou vir heel laaste, toe Boargazm die Main Stage betree het. Heine van der Walt saam met Chris van der Walt, Cicero Carstens en Jason Hinch was defnitief die hoogtepunt van die naweek vir my, want dis van die beste metal wat ek nog in aksie gesien het. Die varkies het gekook, en ek is van nou af 'n fan. Period.

Ek verneem dat hierdie nie die laaste Wolmer Fest gaan wees nie, en dit laat my hartjie sommer net bons van pure stroperige gelukkigheid. Want ek het lanklaas 'n fees so geniet, en ek sal volgende keer weer daar wees, dis verseker!

Hier is die bands wat ek by Wolmer Fest gesien het:

Made for Broadway:
0101_Made for Broadway_DSC_0661_1

40 Day Journey:
0102_40 Day Journey_DSC_1112_1

The Slashdogs:
0103_The Slashdogs_DSC_1565_1

Facing The Gallows:
0104_Facing the Gallows_DSC_2105_1

The Anti Retro Vinyls:
0105_The Anti Retro Vinyls_DSC_2391_1

Raptorbaby:
0106_Raptorbaby_DSC_2695_1

Underbelly:
0107_Underbelly_DSC_2892_1

Haggis and Bong:
0108_Haggis and Bong_DSC_3122_1

The Sunday Punchers:
0109_The Sunday Punchers_DSC_3423_1

Story of a Stranger:
0201_Story of a Stranger_DSC_3750_1

Urban Vitamin:
0202_Urban Vitamin_DSC_4278_1

Because of Betrayal:
0203_Because of Betrayal_DSC_4374_1

Feed The Wolf:
0204_Feed the Wolf_DSC_5040_1

Freedom For Your Life:
0205_Freedom for Your Life_DSC_5502_1

Juggernaught:
0206_Juggernaught_DSC_5758_1

Home At Last:
0207_Home at Last_DSC_5826_1

The Black Cat Bones:
0208_The Black Cat Bones_DSC_5852_1

Adorned In Ash:
0209_Adorned in Ash_DSC_5905_1

Newtown Knife Gang:
0210_Newtown Knife Gang_DSC_5935_1

Red Helen:
0211_Red Helen_DSC_5995_1

Boargazm:
0212_Boargazm_DSC_5999_1

Bloodbeast:
0213_Bloodbeast_DSC_6185_1

Deel met jou tjommies!

    Watkykertjie bydraeWolmer Fest was befok!

    Comments

    Gooi Comment