TuksFM se nuwejaarsparty in Hatfield – STOP. DROP. Rock ‘n roll

In Watkykjy Gigs deur griffinRek jou bek

Sit jy in Snor City oor die feesgety met jou piel in jou hand en facial scrub in die ander een? Moenie so huilerig wees nie, kom bietjie uit en gaan celebrate nuwejaar in Hatfield Square.

Daar gaan so paar mense van Watkykjy ook rondsluip om jou dronk ass af te neem en so paar freebies uit te deel. Heavy undercovoer. Onthou om lewerpille en poesbaie water te drink en maak seker dat jou yskas 'n dag voor die tyd at least 'n 2 liter Cream Soda huisves. Daar is niks kakker as om die nuwejaar in te gaan met die gevoel van 'n rot wat in jou mond gekak het en niks om dit mee af te sluk nie.


Tuks FM weet hoe om Pretoria te vermaak en sedert 1998 stroom talle mense jaarliks na die Tuks FM nuwejaarspartytjies. Hierdie jaar is geen uitsondering nie. Tuks FM het met ‘n konsep vorendag gekom wat die hoofstad behoortlik warm onder die kraag sal hê.

Opeenvolgend van 2010 se Motherle$$ partytjie wat by die Voortrekker Monument gehou is, stel Tuks FM hierdie jaar ‘n vuurwarm geleentheid bekend waar partytjiegangers noodsaaklik sal moet “STOP. DROP. Rock ‘n roll”.

Die tema van die geleentheid sluit dan ook die groepe wat by die partytjie gaan optree in, naamlik “Frankie Fire” sowel as “Dance, you’re on fire”. Ander groepe wat ook te sien sal wees is onder andere MTN SAMA-toekenning 2011 wenners, Jax Panik en Van Coke Kartel, asook die groep van Potchefstroom, Moses Metro Man en Johannesburg se Shadowclub.

Die hoof aantrekkingskrag van die partytjie sal die kontroversiële satiriese groep, Jax Panik, sowel as nuweling rock groep, Shadowclub wees.

Jax Panik (Jacobus Johannes van Heerden en Johnny de Ridder) het begin met slegs internet-veldtog om die groep te bemark en het byna oornag in ‘n dans/pop sensasie verander. Met slegs twee studio albums agter die rug het Jax Panik reeds ‘n paar toekennings en nominasies ingepalm waaronder ook ‘n nominasie vir die MTV Africa listener’s choice-toekenning. Hul grootste treffers sluit onder andere “Cigarettes and cinnamon”, “Sex me slowly”, “Get Up (if you’re hot)” en “Dinosaur” in.

Shadowclub is ‘n groep wat sedert 2009 opslae maak in die Suid-Afrikaanse musiekindustrie. Met treffers soos “Guns and money” en “Good Morning Killer” en met een album op die rakke was hulle ook die groep wat gevra is om die verhoog vir die internationale rock-groep, Kings Of Leon te open.

Tuks FM se STOP. DROP. ROCK ‘n ROLL! Nuwejaarspartytjie sal op 31 Desember in Hatfield Square plaasvind.

Deel met jou tjommies!

    griffinTuksFM se nuwejaarsparty in Hatfield – STOP. DROP. Rock ‘n roll

    Gooi Comment