Groot Broer loer koek Deel een: Die reine waarheid.

In Snotstories deur griffinRek jou bek

Groot Broer loer koek
Deel een: Die reine waarheid.

grifFin


Een huis naby Jo’burg, 12 mense, ‘n paar hoenders en net een kakhuis. Dis mos nou tradisioneel en eg Suid-Afrikaans. Voor iemand nou weer uitfreak (dit was mos nou onlangs diskriminasieweek of iets), is ons besig te praat oor die sogenaamde BigBrother. Ek sê “sogenaamde” omdat Suid-Afrikaners maar oor die algemeen heavy fokken gullible is. Party mense glo mos nie dat dit regtig is nie. Ander dink nou weer dat daar ‘n script is. As daar ‘n script was, steek hulle dit of fokken goed weg of almal loop rond met olifantbrains. Word wakker. Die hele storie is net so on-geoefen soos jou zaber.

Pasop dat dit jou nie intrek nie. TV is amper net so misleidend en gevaarlik soos die watkykjy? websaait. Jy wil nie met rooi oë by die werk aankom omdat jy heel aand sit en draties kap en wag vir ‘n shower scene nie. Die regte tye vir die shower scenes is tussen 8 en 10 in die oggend (wanneer jy by die werk sit en al die kak lees wat ons skryf) en tussen 9:30 en 12 in die aand (wanneer jy in elk geval sit en draties kap). Vir die bietjie meer sieker van gees is ons jammer: Die bra’s kak in privaatheid.

Dis nog lekker in die huis, maar die ouens gaan afkak oor so week of twee. Daar gaan heavy tension wees, maar die mense mag mekaar nie bliksem nie. Groot Broer sê so. Henceforth dan ‘n paar hoogsgeheime feite oor die sogenaamde “BigBrother” (moet dit asseblief nie versprei nie, die Scorpions soek al lankal na ons en volgens ‘n betroubare informant word Bradford hierdie week uitgestem om ons op te spoor en dood te maak).

‘n Paar feite wat die koerante van die (breë) publiek probeer weerhou:

  • Die BigBrother kontrak is eintlik by ons gesteel.
  • Ons het nog net R45 miljoen nodig gehad om die huis met sy 26 kameras te bou.
  • Finansiering sou verkry word van die Danville Metropool Se Raad Van Baardvervaardigers.
  • Die huis was veronderstel om Pretoria Wes opgerig te word naby die Daspoort tonnel.
  • Ons sou ook drie varke ingegooi het en twee skape om die gras te sny.
  • Die hele storie sou met Beta cameras werk omdat dit meer koste effektief is (om nie eers van die tegnologiese voordele te praat nie).
  • Deelnemers sou nie uit die breë publiek kom nie, want breë mense is nie mooi nie.
  • Deelnemers sou gekies word uit plekke soos Teazers en ander plekke waar hulle teen hulle wil sou ontvoer word indien hulle nie uit vrye wil sou saamwerk nie.
  • Mansdeelnemers betaal om deel te neem nadat die chicks bekend gemaak word.
  • Mense mag mekaar donner in die huis – its funnier that way.
  • Daar is ekstra sensitiewe mikrofone in die toilet omdat navorsing wys dat toilethumor snaakser is as byvoorbeeld Felicia en 7de Laan.
  • Die wenner kry ‘n Ford Granada met mags en kokkelolwol.
  • Kos word voorsien deur Fernando’s en Cheers – mainly Blou train en bunnychow. (Sien vorige uitgawe vir resep)
  • Die show se regte naam is eintlik “Watkykjy” – Ons het papiere van die Hoogs Regs hof om dit te staaf.

Nou dat jy die regte feite het kan jy maar met jou gewete probeer saamleef en die sogenaamde “BigBrother” op M-Net of DSTV uitcheck of die regte website besoek by www.grootbroer.kom.

Dit was lekker om julle te ken.

PS: Onthou om vir Bradford uit te stem (julle staan darem nog die kans vir ‘n shower scene met die chick).

Bel 082-2820000. Doen dit fokken nou!

Groot Broer se moer.

griffinGroot Broer loer koek Deel een: Die reine waarheid.

Gooi Comment