Die alewige kak met mielies

In Snotstories deur griffinRek jou bek

Die alewige kak met mielies
‘n Psigologiese verskynsel in die gemeenskap wat die hele wêreld kan opfok as jy nie fokken watch wat jy doen nie.

grifFin


As iemand sê dat hy ‘n groot mielieboer is, draai om en hardloop jou fokken pere af. Hardloop en moenie omkyk nie. Jy is in vir ‘n moerse surprise…

Gewoonlik as iemand vol kak is, sê mense dat hy “af is” of “nie lekker is vandag nie” en ook soms dat hy “issues” het (ek gebruik deesdae meer leestekenes omdat sommige mense heavy “issues” daarvan maak). Daai dae is verby, china. Issues is ‘n mite. Niemand het issues nie. Mense het mielies. Lekker groot koppe mielies.

Sien, die mens het ‘n emosionele balans wat hy try handhaaf deur stupid goed te doen soos yoga, fietsry, tuinmaak, bad, eet, slaap en asemhaal. Sodra iemand ‘n sak mielies op jou emosionele wipplank neermoer, is jy gefok. Lelik gefok. Jou emosionele balans fok uit en die klein mannetjie in jou pineaalklier sê vir jou: “You got knocked the fuck out!”

Dit het ook aan die lig gekom dat mense in Gauteng veral suffer aan mielies. Pretoria op sy eie is die mielievierhoek van Suid-Afrika. Pretorianers is oor die algemeen vol kak en meestal baie ongelukkig omdat hulle sulke kak aksente het soos die ouens van Radio Tuks. Pretorianers ook geneig om makliker te huil en te bloei. Natal het baie piesangs (dis ‘n storie op sy eie). Die Kaap het minder mielies, want daar is minder mense – daar is eerder “beings wat higly tuned is met hulle innerself”, m.a.w. meer daggakoppe wat ‘n plat berg aanbid. Die Vrystaat (soos die ander provinsies) is net ‘n mite en bestaan nie regtig nie. As jy iemand ken wat sê dat hulle familie in hierdie streke het, moet jy hulle asseblief by jou naaste poliskantoor aangee. Hulle is duidelik illegal mense van die oosgrens af wat daarvan hou om kak aan te jaag.

Maar ons hoofbespreking van die dag is mielies. Enige mens kan mielies hê en het dit al onder lede gehad en mens moet fokken watch lat jy dit nie weer kry nie. Maandag is die perfekte dag. Die dag wat die mieliesakke se nate oopbars op jou wipplank. Dit sal my nie verbaas as Maandag se naam verander word na Mieliedag toe nie. Neem ‘n tipiese Maandag in die werksmileu: “Wat’s fout Ben-Adriana? Sleg of alleen geslaap?” “Fokkof! Los my uit, ek het mielies jou poes!”

In die geval met Ben-Adriana kan ons sien dat daar tog ‘n mate van ‘n graadverskil kan intree wat mielies aanbetref. Ben-Adriana is klaarblyklik ‘n ou suurpoes wat permanent kakkerig en kermerig is en duidelik is hy uitgelok deur Satan, sy mede-kollega. Ek blame hom nie glad nie. As my naam Ben-Adriana was sou ek lankal my ouers en die dominees en/of sekte wat my gedoop het vergas het in hulle slaap. En die feit dat hy wel sleg en alleen geslaap het maak nog ‘n groter loser van hom. So ‘n persoon het egter nie mielies nie, maar sit met ‘n meer komplekse probleem: Hierdie ou sit met landerye. Die tipe wat nie reën kry nie. As jy landerye het is jy basically fucked vir ‘n lang tydperk, want sou dit tog reën, sal daar net weer mielies opkom. Groot geel gruwelike mielies. Fok!

Skewe sirkel. Nou sit hy weer met mielies. Gevolglik het hierdie ou ‘n gabba nodig om hom so bietjie wakker te bliksem. So ‘n gabba staan bekend as ‘n stroper. Hierdie ou beter sterker wees as die ou met die landerye anders sit hy met die gebakte mielies en almal wat al ‘n bord gebakte mielies geëet het weet dat dit slegter is as draties kap met facial scrub. Daar is op die oomblik baie min stropers oor in wêreld. Zimbabwe het byvoorbeeld deesdae minder stropers as die Noordelike streek van Lapland Suid-Wes.

Charles Manson, Prins Charles, Marilyn Manson, Prince en Marylin Monroe is seker van die bekendste voorbeelde van mense wat met moerse morge onbewerkte droeë landerye gesit het. Tot dit begin reën het. Hulle kon nie voorbly met die stropers nie en toe strike die die kak die fan: hulle moes begin silo’s bou. Nou kyk ou maat, as jy iemand ken wat silo’s het is daar nie hoop vir hom of jou nie. Mense wat mielies in silo’s opgaar het seriously ‘n kakhuis vol mielies. ‘n Groep van hulle kan ‘n Mielieraad stig en dan sit mens met die tiep van probleem wat homself in Waco, Texas afgespeel het. Sulke mense is uiters suicidal en downright fokken gevaarlik vir enige oningeligte persoon. Vermy ten alle koste kontak met so ‘n suurgat. Mielies is hoogs oordraagbaar en kan noodlottige gevolge inhou. Trust my, jy wil nie mieliemeel wees nie.

Voorsorg is beter as nadors. Daar is so ‘n paar goed waarvoor jy kan ligloop: Chicks het gewoonlik een keer per maand ‘n mieliefees vir ongeveer vyf dae lank. Ongelukkig is daar nooit ‘n spesifieke datum nie en jy word gewoonlik onkant gevang. Dit gebeur regoor die hele fokken wêreld, feitlik elke sekonde van die dag. Aan die ander kant werk dit ook so dat wanneer dit jou chick is en sy nie mieliefees hou nie, jy dalk met silo’s kan opeindig. (Boerdery is wreed). Wees versigtig as iemand jou nooi vir ‘n fliek en popcorn. Popcorn is net ‘n masker waaragter ligte uitkaksessies verskuil word.

As jy vermoed dat jy dalk ‘n mielie of twee aan jou dra, het ek net een voorkomende maatreël: Sluit jouself in ‘n donker kamer toe sonder water vir ten minste ‘n week lank. Mielies like van sonlig en water. Jy sal sien dat jy beter voel na ‘n week. Jy sal sien.

later ouens, ek moet loop plant en die mielie malie maantuig wag…

griffinDie alewige kak met mielies

Gooi Comment